شاعلة فالشمال.. الفنادق عمرو كولهوم والناس ملقات فين تنعس وعائلات الداخل اختارت وجهات أخرى وحداد ل"كود": الطلب فات العرض وهذا اخبار زوين

مدينة طنجة عاصمة البوغاز معندكش فين تكلس فيها بصفة نهائية واللي باغي يدوز يتبرد غير ينسا طنجة. فقد حاولت "كود" معرفة الأجواء التي تخيم على عروس الشمال فهاد الحرارة اللي كتعرفها البلاد فأكد مجموعة من المهنيين في قطاع السياحة بالمدينة أن "هناك اكتضاض كبير وغير مسبوق".
"كود" اتصلت بمجموعة من الفنادق بطنجة باش تعرف واش كاين الطلب او والو لكن المفاجئة كانت أن مختلف الفنادق عامرة بأكملها ومعندكش فين تكلس بصفة نهائية. وشرح المتحدثين ل"كود" بالقول أن مجموعة من الضيوف القادمين من دول خليجية وأوروبية في نفس الوقت حالت دون استفادة مواطنين مغاربة من النزول في تلك الوحدات الفندقية.
وهادشي اللي كاين دبا فطنحة جعل عائلات الداخل بحال فاس ومكناس وسيدي قاسم ومراكش ومدن اخرى يبدلوا الوجهات ديالهوم لمناطق أخرى اللي فيها البحر بحال أصيلة والسعيدية والحسيمة وزيد وزيد…
وفي تعليق له على هادشي اللي كاين ف طنحة، قال وزير السياحة لحسن حداد في تصريح ل"كود": هادشي كيفرح بزاف والطلب فاق العرض ونتمناوه هادشي يبقا ديما وتنتعش السياحة بهاد الطريقة.