مصدر حكومي ل"كود": هاداك الشي اللي قال زيان على اخنوش غير تخربيق وهاداك التأمين اللي هدر عليه راه ما عاودناهش هاد العام

قال مصدر حكومي ل"كود" ان تصريحات محمد زيان الأمين العام للحزب المغربي الليبرالي بخصوص عزيز اخنوش وزير الفلاحة والصيد البحري "غير تخربيق". المصدر قال ان زيان ما فاهم والو فاللي كيقول واكد ان المرسوم اللي جبدو وقال باللي اخنوش دارو باش كان وزيرا للمالية =15 يوما بعد خروج حزب الاستقلال من حكومة بنكيران= اثير في المجلس الحكومي ونوقش وصودق عليه.
مصدر "كود" قال ان ذلك التأمين اللي كان دار ما عاوداتش الحكومة دارتو اي انه كان غير عام واحد. واشار المصدر ل"كود" ان هاد المرسوم عندو علاقة بالسعر ماشي بالدعم على المحروقات. وكان زيان اتهم اخنوش بعقد ما سماه "اتفاقية سرية" عقدها بهدف تأمين شركاته للمحروقات من أخطار تقلبات السوق وقال ان البنك المغربي للتجارة الخارجية وقع اتفاقية مع ابناك امريكية وباع هاد التأمين للمغرب ولا يعرف ثمن الصفقة. فيما قالت مصادر "كود" انه ماشي غير بنك بنجلون للي وقع بل هناك 2 ابناك مغربية
وقال في الندوة نفسه أن الدعم المخصص للمحروقات بالمغرب يقارب 90 بالمائة من الدعم الذي تخصصه الدولة لجميع القطاعات الحكومية، وهو ما مكن٬ والعهدة على زيان٬ رئيس التجمع من الحصول على 280 مليار درهم منذ 2007.