الطماع كيقضي عليه الطماع. هاكيفاش تفك اللغز جريمة مقتل البرلماني مرداس: كتب لمراتو املاكو باش ما تبانش فتصريح الممتلكات وبغى يرجعهم بهاد القالب وعاقت بيه تعشات بيه قبل ما يفطر بيها

الجريمة اللي هزات الرأي العام المغربي واللي تقتل فيها البرلماني مرداس عن الاتحاد الدستوري قدام الفيلا ديالو بكاليفورنيا بالقرطاس كشفات معطيات مثيرة. الوكيل العام للملك غادي يقدم اليوم معطيات جديدة ولكن ما تسرب لحد الان يرجع هاد الشي فيلم بوحدو. كلشي فيه. الحب والخيانة والطمع ولفلوس والسياسة والشعوذة.
حسب المعطيات المسربة فانه ارملة مرداس وبعد ما عاشت سنوات مشاكل بعد اكتشاف علاقة زوجها بفتاة ببن احمد وبعد ما طلبات الطلاق مشات عند شوافة بسباتة. شي كيقول غير شوافة وشي كيقول اخت القاتل مستشار "التجمع الوطني للاحرار" مشتاري. عند هاد الشوافة تعرفات على هاد السيد اللي معروف عليه مغامراته فهاد المنطقة بنفس درجة تغييره للاحزاب السياسية.
يبدو ان احد اصدقاء مدراس خبرو بهاد العلاقة. وعليه فالاشهر الاخيرة ولات مشاكل كثيرة بين الراحل وزوجته كان على علم بهاد العلاقة. هاد الشي علاش ولى كيبعد على الفيلا ديالو فكاليفورنيا وعايش فالفيرما ديالو بابن احمد.
وفق المعطيات المسربة السيد ما بغاش يتسرع في اتخاد اي قرار حتى يسترجع جميع الممتلكات اللي فاسم مراتو. السيد اللي بدا شيفور عند رجل الاعمال المعروف الحاج امهال وولى ملياردير. اسئلة كثيرة على هاد الثروة حيث الثروة لراكم مرداس كلها وضعها في اسم زوجته خصوصا بعد قانون تصريح بالممتلكات بالنسبة للبرلمانين والوزراء والموظفين السامين. هاد الشي خلى الراحل يفطر لواحد الحيلة. بدأ في اقناع زوجته بضرورة ان يستثمر فلوسو اللي كاتب ليها فمشاريع كيرى باسبانيا منها بناء فنادق ومطاعم ومصانع.
كل مرة كان كياخذ معاه مراتو باش يقولبها. هاد السيدة استشرات العشيق ديالها هشام مشتري اللي بين ليها ان هادي غير حيلة باش يرجع المتتلكات ديالو من هنا جاءت فكرة تصفيته وان يتزوج الفنانة اللي كانت متزوجة سعيد ولد الحوات٬ وبعد هذا بدا التفكير فالتصفية اللي وقعات يوم سابع مارس.
تمت الجريمة باتقان وكلشي تقولب فالبداية. جابو خو صاحبة مرداس. اعتقدت مراتو وصاحبها ان الجريمة كاملة. غير دارت اخطاء عراتها.
لقد تبين للمحققين بالبسيج وعناصر الفرقة الوطنية ان لغز الجريمة كاين فالبلاصة اللي وقعات فيها اي دار مرداس. وبتعليمات النيبابة العامة تم وضع الهواتف ديال الزوجة والام ديالها والابناء والخدمات. الزوجة حسات ان الخناق اشتد عليها بزاف وكثرة اسئلة المحققين. تلفات ودارت الخطأ اللي كيتسناوه المحققين بعد ان اتصلت بالقاتل عبر شريحة وضعتها بالهاتف ديال ابنتها تؤكد عليه واش خببتي الطومبيل وتخلصتي من اداة الجريمة. هنا تاكد للمحققين انها وراء عملية القتل ومن تماك تمكن الفريق التقني لفرقة الوطنية من تتبع الخيوط الرقم الذي اتصلت بيه الزوجة ورجوع الى جميع المكالمات في الفترة الاخيرة وتفريغ محتوها .ليتم تاكد انها صاحبة الفكرة من الاول حتى الاخير