باش كيكون من الخيمة خارج مايل: جلسات تسخسيخ وتعذيب للوزراء فالحسيمة: 8 سوايع فقاعة عامرة سمعو اللي ما عمرهم سمعوه

ليلة موحالش شي وزير من الوزراء اللي حضروها غادين ينساوها. ليلة امس الاثنين بمدينة الحسيمة في اجتماع مع ممثلي المجتمع المدني والمنتخبين مع وفد وزاري ترأسه وزير الداخلية عبد الوافي لفتيت اللي عرض على من بغى من الصحافة بحال ايلى هاد الوزارة خلاها ليه جدو.
الاجتماع بدا مع الربعة العشية تقريبا وما سالى حتى لحداش ونص. حسب مصدر حكومي ل"كود" فان الاجتماع كان ايجابي. حقاش كلشي خرج مرتاح". مرتاح كلمة شوية كبيرة. الاجتماع بدأ بتقديم والي جهة طنجة تطوان الحسيمة لمشروع الحسيمة منارة المتوسط. طبعا قدم اللي بغى حقاش هاد الوالي مسؤول مسؤولية مباشرة على كل ما وقع فالحسيمة.
بعد ذلك تحدث الوزراء كل عن قطاعه ودخلات القاعة "كلشي هدر حتى واحد ما تمنع وكلشي خدا الوقت اللي بغى" يشرح مصدر "كود" الحكومي. بعد ما سالاو الهدرة واللي كانت جلسات تسخسيخ وتغذيب للوزراء حقاش سمعو اللي ما عمرهم سمعوه ومداخلات كانت قاصحة بزاف٬ عاودو خداو الكلمة واليوم راجعين مع لطناش