وا بودريقة الله يعطينا وجهك. اعلن رسميا ترشحه لرئاسة الرجاء وقال عندو 120 اجراء ودخل حتى الدين فالرياضة وكال باغي يخرج الفرقة من الازمة اللي كان من اسبابها

اعلن محمد بودريقة قبل قليل عن ترشحه رسميا لرئاسة الرجاء البيضاوي خلال الجمع العام الاستثنائي اللي غادي يدار يوم فهاد الشهر. بورديقة بان فتدوينتو بحال شي منقد. "لا أستطيع إلا أن ألبى النداء، ورغم ما أوضحته سابقا من معوقات وصعوبات، قررت أن أقبل التحدي وأتشرف بالإعلان عن وضع ملف ترشحي لرئاسة نادي الرجاء الرياضي"
وقدم راسو باللي عندو مسؤولية تاريخية وباللي خاص مشروع عقلاني.
السيد باين كلشي موجدينو ليه. قال هدرة كبيرة عليه بحال "رجاء الالفية الثالثة" و"تفعيل مبدأ ربط المسؤولية بالمحاسبة" و"دراسة مستضيفة ودقيقة للنادي" بلا حديثو على ما سماه او قالو ليه يسميه "ثلاثة اقطاب" وهي "قطب الإستقرار المالي، يتطرق للحلول الكفيلة بسد العجز المالي الحالي، تطوير المداخيل الحالية ترشيد النفقات الكمالية إظافة إلى إستحدات موارد جديدة وثانيها قطب الهيكلة والمأسسة، يهدف لعصرنة النادي تسييريا وتفعيل دور المنخرط بشكل أكثر نجاعة وثالثها قطب الأنشطة و الإنجازات يركز تقافة الألقاب، على الإدارة التقنية سياسة التنقيب ونجاعة التكوين عبر الأكادمية"
وتحدث عن 17 محور و50 هدف و120 اجراء ملموس محدد زمنيا
هاد الشي باين ماشي بودريقة اللي وجدو.
وباش كملها وزملها دخل الدين "لقد عزمت على الترشح لمنصب رئيس الرجاء متوكلا على الل" وسالاها باية قرأنية
بودريقة غير كول لينا شكون وصل الوضعية المالية للرجاء؟ ياك لعبتي دور فهاد الشي وعلاش مدخل الدين واش هاد التخربيق ديال الاجراءات ووو