واش هادي هي المعارضة لي بغا يدير الاستقلال.. عمال النظافة ديال “أوزون” رجعو فاس مزبلة والسياح كيصورو فينا (+صور)

الاتحاد العام للشغالين بالمغرب، الذراع النقابي لحزب الاستقلال فهم المعارضة الذي أعلن الحزب بالمقلوب. فقد شل عمال النظافة التابعين لشركة “أوزون”، والنتمين لنقابة الاستقلال، إضراب بأحياء المدينة العتيقة فاس، محولين العاصمة العلمية إلى ما يشبه “مزبلة”.
زوّار وسياح المدينة العتيقة ديال فاس تصدموا هادي يومين تقريبا من هاد المشهد ديال الأزبال والنفايات المتناثرة بشكل مثير للتقزز، سيما بباب أبي الجنود التاريخي، والتي تعتبر المدخل الرئيسي لأزقة المدينة العتيقة.
وكانت الكتابة الإقليمية للاتحاد العام للشغالين بفاس قد دعت إلى شل حركة النظافة بالمدينة العتيقة للمطالبة بإرجاع حسن النظيف وامحمد الأسمر الموظفين المطرودين من الشركة بعد الحادث الذي أعقب احتجاج مسؤول بمقاطعة جنان الورد على تراكم الأزبال بحيه. حسب تعبير النقابة.
النقابة من حقها تدافع على العمال ومختلف الطبقة الشغيلة وهذا دورها لكن ماشي بهاد الطريقة ديال تحريض العمال يخليو الزبل متراكم فالمدينة لي عندها تاريخ كبير بزاف ويشوهونا عالميا.. كاين وسائل اخرى باش تدافع النقابة على هاد العمال. ومن بينها القضاء الاداري وغيرو من الوسائل.
حتى السياح لي جاو لفاس هاد اليومين بغاو يتشفاو فينا وناضو كيصور الزبل وهادشي كيضرب بزاف بسمعة العاصمة العلمية.