بعدما تحبس ودوز عامين: الاستئناف برءات حمزة الدرهم. شكون يخلص النهش والسحل اللي وقع ليه بعد الحادثة الشهيرة

أسدلت غرفة الجنايات بمحكمة الاستئناف بمدينة الرباط، أمس الثلاثاء، التسار على القضية التي تُوبع فيها حمزة الدرهم ابن الراحل محمد الدرهم وحفيد احماد الدرهم ولي كان تشهر فمواقع التواصل الاجتماعي ب”ولد لفشوش”.
وقضت غرفة الجنايات بالرباط ببراءة حمزة الدرهم من تهم “السكر العلني وارتكاب حادثة سير وتخريب ممتلكات عمومية”، وهي المتابعة التي حكم من أجلها خلال المرلحة الابتدائية بسنتين سجنا نافذة.
هادا حكم فضيحة. علاش؟ حقاش هاد الشاب دوز الحبس فقضية من الاول خاوية. كلشي مسؤول عليها والدولة قتلات مواطن رمزيا باش تبرد الشعب اللي حتج. كلشي عاقل باللي فيديو تسرب بعد الحادث هو اللي نوض كلشي. هاديك الساعة ما كانش حمزة لا شارب لا داير حادثة لا مخرب ممتلكات. باش الدولة تسكت ناس الفايس والغالبية الكبيرة حتى من شي ناس كتفهم ركبات على الموجة٬ ناضو شدو الشاب ايام بعد ذلك ولصقو ليه تهم وضربوه ابتدائيا بعامين ودوز هاد العامين.
اللي كان يستحق العقاب وقلناها فوقتها هو البوليسي بوحدو. من غيرو دارت الدولة للشعب الخاطر ويا للكارثة ضدا على القانون.