السيدة لي تصابت بأنفلونزا الخنازير ماتت هاد صباح ووزارة الصحة :الوضع تحت السيطرة

omarelmouzaine@gmail.com
بعد أزيد من 5 أيام على وضعها بقسم العناية المركزة، أفادت مصادر مطلعة، ل”كود”، أن داك السيدة الحامل لي تصابت بمؤخرا ب”أنفلوزا الخنازير” ماتت هاد الصباح ديال الإثنين فواحد لكلينيك بالعاصمة الاقتصادية كازا.
“كود” عيطات لراجل الضحية، وأكد لخبار ديال وفاة مراتو. واضاف قائلاً: “للأسف ماتت مراتي اليوم بسبب الإصابة ديالها بأنفلونزا الخنازير وهادشي أكدوه ليا الأطباء ف لكلينيك ودبا مزال كنقاد شي إجراءات ولي مزال ماثيق يجي عندي يشوف الوثائق”.
وكانت الوزارة ديال الصحة قد كتقول فيه أن الوضعية الوبائية ديال مختلف فيروسات “الأنفلونزا” الموسمية ف بلادنا جد عادية ولا تدعو للقلق، مشيرة إلى أن تسجيل حالات الإصابة بفيروس الأنفلونزا الموسمية اش1ن1 تعتبر عادية.
وأكدت الوزارة على أنه كتقوم بتعزيز المراقبة الوبائية والمخبرية لهذا الداء خلال موسم البرد كل سنة، ونصحات المغاربة باش يديرو التلقيح ضد هاد المرض خاصة النساء الحوامل كيفما كان عمر حملهن، والأطفال بين 6 أشهر وخمس سنوات، والأشخاص المسنون البالغون 65 سنة فما فوق، والمصابون بأمراض مزمنة.