حصري.. الكاتب العام لعمالة مولاي يعقوب وباشا عين الشقف خرجو على راسهوم بعد وقوف والي الجهة على بناء مشروع بلا رخصة

omarelmouzaine@gmail.com
بعد وقوفه على تتمة بناء واحد المشروع سياحي “Diamant vert” بمنطقة عين الشقف ضواحي فاس، علمت “كود”، من مصادر خاصة، أن والي جهة فاس مكناس، سعيد زنيبر، أمر اليوم الجمعة، بفتح تحقيق دقيق لتحديد المسؤوليات وترتيب الإجراءات المناسبة في حق أي رجل سلطة تغاضى على هادشي.
وتُشير المعلومات التي حصلت عليها “كود”، أن المسؤولية المباشر في قيام صاحب داك المشروع بعدد من الإصلاحات خارج الضوابط القانونية الجاري بها العمل تعود إلى باشا منطقة عين الشقف والكاتب العام لعمالة إقليم مولاي يعقوب، حيث تعرضا للتوبيخ من قبل المصالح ديال وزارة الداخلية.
الموصيبة لكبيرة فهادشي، حسب المصادر نفسها، ل”كود”، أن الكاتب العام ديال عمالة مولاي يعقوب والباشا ديال عين الشقف قاما خلال الساعات الأولى من صباح اليوم الجمعة، باتصالات عديدة مع رئيس الجماعة المنتمي لحزب العدالة والتنمية باش يعطي رخصة لمول داكشي المشروع باش يغطيو على راسهوم القضية، سيما بعد علمهم بأن الوالي جاي يشوف هاد الخروقات بنفسه.
وأضافت المصادر نفسها: “الكاتب العام والباشا مني عرفو راسهوم حصلو ملقاوش ميديرو ومشاو كيزاوكو ف الرئيس ديال الجماعة لي خرج رخصة ديال الإصلاح هاد الصباح، لكن كيفاش لبني خدام هادي اكثر من 15 يوم وحتى جا اليوم الوالي وخرج المقال فكود عاد ناضو هاد جوج مسؤولين يتدخلو فالموضوع باش ياخد رخصة مول المشروع. هنا كتبان أن القضية فيها إن”.
وكان رئيس جماعة عين الشقف بإقليم مولاي يعقوب قد أكد أمس الخميس، في تصريح ل”كود”، أن مول هاد المشروع معندو حتى رخصة، مشيرا إلى أنه كان تقدم فقط بشي طلب ديال رخصة كتعلق بالاسقبال ماشي ديال الإصلاح.