فين غاديين بالبطولة. 15 لماتش تأجل حتا لدابا.. وها الفرق لي ما غاديش تلعب هاد السيمانة

فين غاد العصبة الوطنية الاحترافية، لي كايترأسها سعيد الناصيري، رئيس الوداد البيضاوي، أكثر من 15 لماتش تأجل حتا لدابا.
ثلاثة منها برسم الجولة الأولى، وأربع مباريات في الجولة الثانية، ومثلها في الجولتين الثالثة والرابعة.
هاد اللخبطة فالبرمجة غادي تأثر على السير العادي للبطولة بكل تأكيد.
5 الماتشات ما غاديش يتلعبو هاد السيمانة برسم الدورة الخامسة من منافسات بطولة القسم الأول، بسبب التزام اللعابة ديال الفراقي المعنية بمباراة المنتخب المحلي ونظيره الجزائري نهار السبت جاي بالملعب البلدي في بركان، برسم إياب الدور الحاسم من التصفيات المؤهلة لأمم إفريقيا التي ستحتضنها الكاميرن الصيف المقبل.
لجنة البرمجة أجلت الماتش ديال مولودية وجدة الوداد البيضاوي حتا الاربعاء جاي بالملعب الشرفي فوجدة، بالإضافة إلى تأجيل 4 مواجهات الى وقت لاحق، وهي مواجهات اتحاد طنجة ضد يوسفية برشيد، والرجاء الرياضي أمام المغرب التطواني، ونهضة بركان ضد الدفاع الحسني الجديدي ثم ماتش رجاء بني ملال أمام حسنية اكادير .
الماتشات لي غادي يتلعبو هاد السيمانة نهضة الزمامرة أمام ضيفه أولمبيك آسفي الأحد المقبل، ابتداء من الساعة الخامسة عصرا على أرضية ملعب أحمد شكري بالزمامرة، في حين سيستقبل أولمبيك خريبكة ضيفه الفتح الرباطي بداية من الساعة السابعة مساء.
وعقب تأجيل نصف مباريات الجولة الرابعة، رفعت لجنة البرمجة،عدد المؤجلات مع بداية الموسم الجاري، إلى 15 مباراة.