مالنا حسن من ميريكان. ترامب سد بلادو اقوى اقتصاد فالعالم على اوروبا شهر. علاش ما نوقفوش كاع الرحلات مع اوربا والعالم غير 15 ايام

فاش كيتسنى المغرب اللي كيحكم بصاح وعندو وعي باللي كيوقع فالبلاد بصاح ماشي هاداك رئيس الحكومة اللي ما صالح لوالو٬ ويعلن رسميا على اغلاق الحدود ضد كاع الرحلات اللي كيتجي من العالم ماشي غير من اوربا. دابا رئيس اكبر دولة فالعالم للي هو دونالد ترامب اعلن البارح من واشنظن على اغلاق ميريكان تقريبا من خلال تعليق جميع الرحلات من أوروبا إلى لميريكان ومن ميريكان لاوربا لشهر كامل. القرار دخل البارح الجمعة فالليل.
الدولة الوحيدة اللي ممكن تسافر منها لامريكا هي بريطانيا وفق ترامب.
الرئيس طلب من الكونغرس إقرار تخفيضات ضريبية باش يواجهو تداعيات “كورونا فيروس” الخايبة على الاقتصاد.
ترامب اللي كان كيضحك فاللول على كورونا فيروس عاد وعى بخطورتها. وعي جا مع اعلان منظمة الصحة العالمية “كورونا فيروس” جايحة.
دابا هادا ترامب وحنا بلاد فقير ضعيف فالاقتصاديات العاللمية ايلى ولات حالات كثيرة ما نقدروش نواجهوها وعلى الاقل نسدو الحدود. كاع الحالات اللي وصلو للمغرب جاو من برا. فاش كنتسناو. دولة عندها امكانيات كبيرة بحال الكويت اللي غلقات كلشي.
حنا خاصنا نوقفو الدراسة ونزربو على هاد الفيروس من حدنا عندنا حالات قليلة.