راه ما كاينش كثر من هاد الشي. سمعو مدير الاوبئة اش كيقول ليكم يا لمغاربة عبر "كود": اليوبي ل"كود": راه خايفين من انتكاسة باش نكونو موضوعيين ودابا عندنا بؤر كبيرة وحنا على المحك وخاص مجهودات إضافية

عبر مدير مديرية علم الأوبئة ومكافحة الأمراض بوزارة الصحة، محمد اليوبي، عن تخوفه مما أسماه "انتكاسة" قد تكون بسبب هاد الوضع الوبائي اللّي كتعرفو بلادنا بسبب تفشي جائحة "كورونا" فيروس.
وأوضح اليوبي، في تصريح خص به "كود"، قائلاً: "دبا راه خايفين من شي انتكاسة باش نكونو موضوعيين، وهاد الحالات اللّي بانو فهاد البؤر راهوم "بؤر كبيرة"، ومابقاوش هاد البؤر داخل العائلات دبا".
وأكد اليوبي: "متحكمين في الوضع لكن نحن على المحك، وخاص مجهودات إضافية ومضاعفة من طرف مختلف الفرق الطبية، سواء داخل الميدان أو خارجه باش يتم التعرف على جميع المخالطين وفحصهم ووضعهم في العزل الصحي بالسرعة".