لمغاربة اللي كيقريو ولادهم فمدارس البعثة الفرنسية كيطالبوا بتخفيض رسوم التدريس ب50 فالمئة و ماباغينش ولادهم يرجعوا يقراو

سبعة ديال الجمعيات ديال الآباء اللي تابعين لمدارس البعثات الفرنسية بالمغرب، وجهوا رسالة إلى المدير العام لمدارس البعثة الفرنسية بالمغرب، من أجل الاستجابة لمطلب آباء و اولياء التلاميذ بتخفيض 50 فالمئة من رسوم التمدرس، في حال اعتماد موجة جديدة من الحجر الصحي. رسالة جمعيات الآباء طالبت أيضا بدعم مطلب الآباء بعدم استئناف الدراسة في المغرب، ارتباطا بقرار السلطات الفرنسية استئناف الدراسة بعد الحادي عشر من ماي، في إطار تدابير التخفيف من إجراءات الإغلاق التي اتخذتها الحكومة الفرنسية.
رسالة الآباء تطرقت لقضية مهمة، وهي تناسب ما يؤديه الآباء مع ما يقدم للتلاميذ مع استحضار حالة القوة القاهرة، هاذ الشي علاش الآباء كيقولوا لهاذ المدارس، باللي الاستمرار في استخلاص مبالغ الاداء كاملة، من شأنه ضرب الثقة بين الاباء والمؤسسات، علما أن الآداء يتم بشكل دوري خلال كل دورة، و المدارس الفرنسية دابا دخلات الفلوس لجيبها، و باللي الاسر المغربية اللي اختارت هاذ النموذج من التعليم تحملت الارتفاعات الكبيرة فالسنوات الاخيرة، باش مدارس البعثات توسع الشبكة ديالها بالمغرب.
الآباء ديال التلاميذ المغاربة، كيطالبو بدعم المدير العام الفرنسي لمطلب الآباء المغاربة ودعمهم، اعتبارا للمناخ العام المرتبط بتفشي جائحة كورونا. رسالة جمعيات الاباء كتربط بين الحجر الصحي بالمغرب واحتمال تمديده، و بين إمكانية تمديده تبعا لتطور الحالة الوبائية.
من جهة أخرى رسالة الآباء، عبرت على مطالبهم بخصوص استمرار التعليم عن بعد، ونبهوا إلى أوجه القصور التي تعتري هاذ الجانب. آباء التلاميذ كيهدروا على ضعف البنية اللوجستيكية في هذا المجال لا سيما أرضية بث الدروس اللي السقف ديالها يلاه كيغطي 40 دقيقة ديال البث، بالإضافة لغياب أساتذة اللغات الحية بالنسبة للمستويات الابتدائية.