ضروري الشفافية فتعامل الحكومة مع القراية الحضورية: تعتارف للمواطنين ان المنظومة الصحية مشااات بحالها وباللي الوفيات والاصابات غادية ترتافع

ضرورة الشفافية في التعامل مع التدريس الحضوري ومع الحالة الوبائية.
هو مزيان ان الحكومة والمواطنين يفضلو التدريس الحضوري على التدريس عن بعد لسبب بديهي هو ان التعليم الافتراضي لا يمكن ان يكون "تعليما"...
ولكن ايلى كان هاذ الشي لابد منو، وهو لابد منو وهو الاختيار للي واجب يكون، الحكومة ملزومة باش تخبر الناس بالعواقب ديال هاذ الاختيار وهي:
– الحكومة لابد ما تعتارف للمواطنين ان المنظومة الصحية مشااات بحالها ومابقاتش قادرة تستوعب الاعداد اليومية للمصابين.
– الحكومة لابد ما تعتارف للناس ان قرار التعليم الحضوري غادي يؤدي حتما لارتفاع exponentiel للاصابات، وماغادينش نبقاو في نسبة 1500 إصابة يومية و35 وفاة، بل غادي نبداو نحسبو بعشرات الالاف ديال الاصابات اليومية والمئات ديال الوفايات يوميا!
– الحكومة لابد ماتصارح المواطنين وتخيّرهوم بين الاستمرار في نفس النهج ديال محاربة الوباء، او الولوج لمرحلة اخرى للي هي "مناعة القطيع".
– وفي هاذ الحالة لازم الحكومة توفر جميع الادوية اللازمة في الصيدليات والضرورية في التخفيف من المرض بحال الفيتامين س، والزانك، ودوليبران، والكورتيكويد، وليزانتيڤيرو، على اساس يتكلف القطاع الطبي الخاص بالتطبيب ومتابعة الوباء. حينت هاذ الادوية للي هي ضرورية راه ماكايناااااااش دابا في الصيدليات آعباد الله!!!!!
وحتى ايلى ماتو بزاف ديال الخلق، لهلا يقلب ومافيها باس. ولكن: لابد الحكومة ماتاخذ مسؤوليتها وتكون صريحة مع المغاربة!!