الداخلية كتوجد لحركة انتقالية كبيرة فصفوف رجال السلطة وكاين اللّي غادي يترقا وكاين اللّي جاب الربحة وكاين اللّي توبخ

علمت "كود"، من مصدر مطلع، أن وزارة الداخلية تستعد للإفراج عن حركة انتقالية كبيرة في صفوف رجال السلطة، ومنهم باشوات وكتاب عامون وقائد ورؤساء أقسام الشؤون الداخلية بعدد من العمالات.
ووفق ما كشف عنه مصدر "كود"، فإن الهدف من هذه الحركة التي لم يأشر عليها بعد وزير الداخلية، عبد الوافي، هو ضخ دماء جديدة في مناصب المسؤولية، بالإضافة إلى ترقية عدد من رجال السلطة، سيما الذين لهم أبانوا عن حس مهني كبير خلال فترة الحجر الصحي ومشهود لهم بالكفاءة والاستقامة.
وأكد المصدر أن عدد من رجال السلطة غادي جابو الربحة بسبب بعض التجاوزات التي رصدت خلال فترة الحجر الصحي وتقاعسهم في أداء واجبهم المهني، مشيرا إلى أنه كاين قياد وبشاوات ورؤساء أقسام الشؤون الداخلية غادي يطيرو من بلاصتهوم، وكاين فيهوم اللّي وبخاتو الداخلية بسبب أخطاء مهنية قاتلة ومزال غادي تجي الدقة.
عدد من رجال السلطة كانو واقفين على الترقيات وكانت لجنة خاصة من الداخلية تكلفات بهادشي ودارت دراسة شمولية على شكون يستحق وشكون مدار والو. تقارير سوداء كانت وصلات للمصالح المركزية للإدارة الترابية.
وليدات الداخلية كيساينو التأشير من الوزير لفتيت. مصدر "كود" أكد أن هاد الحركية غادي تحمل مفاجئات. كاين كتاب عامين وشي وحدين فعدد من الجهات غادي يطيرو، سيما فجهة الرباط سلا القنيطرة، ومراكش آسفي، وجهة فاس مكناس اللّي غادي يقدر يوقع فيها زلزال بعدد من العمالات.
المهم دبا مزال مكاين حتى شي حاجة رسمية. نساينو شنو كيتطبخ داخل أم الوزارات. دبا خاص لفتيت يطلقنا لفراجة راه وليدات الداخلية اللّي ضربو تمارة ينتظرون.