كيفاش البواجدة خلصو بلهيسي ديالهم للي طرداتو من ميدي 1. عطاوه منصب مكلف بمهمة من رئيس الحكومة باش يترافع اعلاميا على الوضع الحقوقي خارجيا

كيفاش البواجدة خلصو بلهيسي المطرود من ميدي 1 ظلما واللي دعا القناة.. عطاوه منصب مكلف بمهمة من رئيس الحكومة باش يترافع اعلاميا على الوضع الحقوقي خارجيا. الصحافي واحد من ناسهم اللي كيخدم معاهم بالتخبية. دابا خدا المكافأة
كشف مصدر رسمي ل"كود" عن توظيف الصحافي المطرود من قناة "ميدي 1 تيفي" يوسف بلهيسي، في منصب مكلف بمهمة من رئاسة الحكومة.
ويتعلق هذا المنصب، بمهمة "مكلف بالتواصل والإعلام" بالمندوبية الوزارية لحقوق الإنسان، بحيث أن المنصب موجه أساسا "لتلميع صورة المغرب الحقوقية خارج المغرب".
والتحق بلهيسي، هاد شهرين للمندوبية مكلف بهاد المهمة، السبب حسب مصادر من المندوبية :"هو ان بلهيسي تخلص من المهام لي كان كيدير فاش كان صحفي، بحيث طيلة السنوات الأخيرة كان كيدير تغطية اعلامية لأنشطة المندوبية ف الخارج خصوصا بجنيف".
موقع فبراير كتب بلي أجرة بلهيسي تقارب 35 ألف درهم، بلا المنحة اللي تم الاتفاق عليها والمرتبطة بتحقيق بعض الأهداف لي مرتبطة بالترافع الاعلامي على "الوضع الحقوقي بالمغرب خارجيا.
هاد المهمة تتكون بقرار وتتسالي بقرار.
المغرب عاش فهاد الفترة ديال حكومة البي جي دي، أسوأ فتراته من ناحية التواصل مع المنظمات الحقوقية دوليا، وناضت فيه اتهامات بين الدولة والحقوقيين. واش هاد المقرب من الاسلاميين قادر على هاد المهمة؟. مصادر حقوقية كتقول :"هادا ماشي حقوقي ومخونج ومعندوش ثقافة حقوق الانسان وغادي يتصادم مع الاعلام الخارجي فالقضايا الحساسة".