بايدن فالمغرب. فين سكن مع من تلاقى علاش رفض الاقامة الملكية وعلاش جابو كلاب من البيت الابيض باش يفتشو اللي داخل المؤتمر: تفاصيل تعاود تحكيها "كود"

https://www.facebook.com/watch/?v=358640832133826
بايدن بدا بفاس وشاف محمد السادس
رئيس امريكا الجديد الديموقراطي جو بايدن سبق ليه زار المغرب. اول مرة جاها فزيارة رسمية كانت فاس يوم 19 نونبر 2014. كان مشى ليها مباشرة باش يتلاقى بالملك محمد السادس. زيارتو كانت لافتتاح القمة الخامسة العالمية لريادة الاعمال اللي دارت فمراكش.
هاد القمة كانت تقررات فنونبر 2013 بعد لقاء بين الملك محمد السادس والرئيس الامريكي باراك اوباما فواشنطن. الملك داكر مع بايدن وفق بيان الديوان الملكي فديك الوقت على "تعزيز الشراكة الاستراتيجية التي تجمع بين البلدين والتي تستمد قوتها من أسسها التاريخية، ورصيدها من القيم المتقاسمة ومن قدرتها على التكيف والتجدد".
هدرو طبعا على "التطورات الأخيرة لقضية الصحراء المغربية، وكذا القضايا الإقليمية والدولية، وخاصة الوضع في منطقتي الساحل والشرق الأوسط، والنزاع العربي الإسرائيلي بالخصوص". هادي مواضيع كلها عندها راهنيتها دابا.
كان مع بايدن كل من دوايت بوش سفير الولايات المتحدة الأمريكية بالرباط ، وآن بيترون مساعدة كاتب الدولة في شؤون الشرق الأوسط ، وإريك بيلوفوسكي المدير الرئيسي لشمال إفريقيا ، ودانييل بنيم مستشار رئيسي لدى مجلس الأمن القومي. وحضر للقاء فؤاد عالي الهمة مستشار الملك ، وصلاح الدين مزوار وزير الشؤون الخارجية والتعاون ، ورشاد بوهلال سفير المملكة المغربية في واشنطن فديك الوقت.
فمراكش فضل اوطيل على الاقامة الملكية
بايدن باش وصل لمراكش رفض يسكن فالاقامة الملكية اللي كاينة فشارع فاس بعاصمة البهجة. ختار يسكن فاوطيل حدا الحي الشتوي بمراكش. كان بايدن جا مع 140 شخصية.
مصالح الامن خدمات مزيان. كان خاصها تؤمن الحراسة ليه ولاكثر من 50 وفد حضر للمؤتمر.
من مراكش كان طار للعاصمة الاوكرانية كييف. دارت ليام وبانت عندو علاقات مع هاد الدولة وكانت تخرج عليه فالانتخابات.
كلاب من البيت الابيض باش تحميه وسط المؤتمر
باش جا نائب رئيس اميركا باش يدخل فين تنظم هاد المؤتمر فمراكش جابو فرقة امنية من البيت الابيض. تكلفات بكلشي. حتى لكلاب اللي كانو كيشمو جابوهم من امريكا. ديك الساعة الامن كولو كان بيد الميريكان
كيفاش دق على المغرب وغيرو وجبد حقوق الانسان وحرية التعبير
بعد فاس جا بايدن لمراكش لالقاء كلمة امريكا. كثار هاد الساعات كيجبدو ففيديو من كلمتو غير باش هدر على ان المغرب اول بلد اعتارف بامريكا وشي كلام عاطفي. ما ننساوش ديك الوقت الادارة الامريكية دعمات "الربيع العربي" وساندات "الاسلاميين باش يحكمو وبالفعل وصلو للحكم فدول منها المغرب ومصر وتونس...
فترة حكم اوباما كانت ركزات بشكل كبير على حقوق الانسان. كلنا نذكرو باش امريكا طالبات بتوسيع صلاحيات المينورسو اللي كاينة فالصحرا باش تشمل حقوق الانسان. المغرب رفض وعلق حتى تنظيم مناورات الاسد الافريقي مع امريكا حتى رطابت واشنطن.
جاو بايدن باش خدا الكلمة رسل رسائل للمغرب ولغيرو. قال "هناك مواهب كثيرة لدى شعوبكم ولكن أمامكم تحديا كبيرا، ولبلوغ ذلك ذكر نائب الرئيس الامريكي بالتعليم والتربية والاهتمام بحقوق المرأة، فنظام تعليمي جيد وتربية مفتوحة للجميع وحرية التعبير وحرية التدين كلها أمور تخلق الابتكار والابداع، في المقابل حذر من الفساد في القضاء وتفشي الرشوة وعدم حماية ممتلكات الأفراد لانها توقف الابتكارات الريادية وتجعل تلك الدول التي تتبنى هذه الأشياء تعيش على الهامش، مضيفا ان "الفساد هو العدو اللدود للريادة" ويؤثر على "الاقتصاد والكرامة والمواطنة".
وذكر بايدن بنصيحة ستيف دجوب لطالب سأله كيف يمكن ان تبلغ ما بلغه، فرد عليه "فكر بشكل مختلف" وقال بايدن انه لا يمكن التفكير بشكل مختلف بدون ان تكون حرا وبدون ان تتحدى الجميع وبدون ان تعبر بحرية، وفي سياق رسائله المبطنة الى دول مثل المغرب أضاف بايدن الحكومات يجب ان تسمع للأفراد بالتعبير بحرية وان تفتح أسواقها وان تزيل العراقيل وان تزيل البيروقراطية.
نائب الرئيس وجه تحذيرا مفاده انه في المنطقة هناك 60 بالمائة شباب يمكن ان يبدعوا ويبتكروا لو وفرت لهم الدول ظروف الإبداع والابتكار، لكن عدم توفير ذلك سيجعل الشباب وهذا ما لمح له بايدن دون ان يذكره صراحة، قد يؤدي الى اعتناق الفكر الداعشي او كل أشكال التطرف وهذا يهدد تلك الدول اولا. فالحل حسب بايدن هو إيجاد فرص العمل حيث يضمن للفرد كرامته ومكانته في المجتمع.
هاد المواضيع ديال حقوق الانسان والحريات والديموقراطية ديما كتكرر مع الديموقراطيين. فرقة بايدن كامارا هاريس ما غادياش تكون استثناء واخا ظروف انتخابهم كانت استثنائية ودابا كاينة امريكا اخرى ماشي ديال هادي سنوات. امريكا ترامب حاضرة بقوة. حتى باش خسر الانتخابات خسرها بنسبة قليلة بزاف.
بعد ما رسل رسائلو للدول المشاركة بما فيها المغرب.
بايدن موحالش ينسى المغرب. موحالش شي دولة من الدول اللي مشى ليها دارت ليه عيد ميلاد كيف دار فمراكش ف20 نونبر 2014. عزفاتو ليه الفرقة الموسيقية للقوات الملكية الجوية وعيد ميلاد سعيد بحنجرة 4 الاف مشارك فالمؤتمر. هادي غادية تبقى فذاكرتو ايلى مازال خدامة مزيان