كشفات هاجر الريسوني، بنت أخ الصحافي المعتقل سيلمان الريسوني، أن الأخير حبس الإضراب ديالو على الما، من بعد ما رجع حوايجو اللي كتقول أنها تحتاجزات من طرف إدارة السجن. ونفات المندوبية العامة لإدارة السجون وإعادة الإدماج نهائيا مزاعم احتجاز أغراض الريسوني، بحيث كشف مسؤول بإدارة السجون ل"كود" أنه ماتحيدات ليه حتى حاجة من حوايجو، باستثناء المواد الغذائية، بحكم انه مضرب عن الطعام. وزاد ان هذ الإجراء كيدار مع كَاع المعتقلين اللي كيعلنو إضرابهم عن الطعام، باش يتأكدو من انهم ماكيكذبوش. وهاحر الريسون، فتدوينة ليها ف"فيسروك" اليوم، قالت أن الطبيب شاف الريسوني لبارح، ولقى نسبة السكر فالدم ديالو منخفظة بزاف، الشي اللي خلاه يطلب من إدارة السجن ترجع ليه الأغراض ديالو، كيف طلب من الريسوني يشرب الما والسكر حفاظا على حياتو. https://m.facebook.com/story.php?story_fbid=3973794916008635&id=100001344977871 وهذي سيمانة باش دخل الريسوني فإضراب عن الطعام والماء، قبل ما يحبس إضرابو على الما والسكر لبارح، ويكمل الإضراب على الماكلة. وسبق لفاعلين حقوقيين كثار طلبو من الريسوني يوقف الإضراب ديالو على الما، لما فهذشي من خطر على صحتو.
