حجاب مفوضة الحكومة المغربية إحسان حواش داير ليها المشاكل فمعهد المساواة فبلجيكا

الحجاب اللي دايراه البلجيكية المغربية إحسان حواش، المفوضة الحكومية لمعهد المساواة بين المرأة والرجل، ولا داير ليها المشاكل، من بعد ما اعتبر كورونتين دوسال، الإداري بالمعهد، على أن هذا "فعل مستفز"، حسب "لو سوار" البلجيكية.
وهذي ماشي اول مرة كينتقد دوسال حجاب حواش، لكن مؤخرا انتقدو الاربعاء اللي فات خلال اجتماع مجلس إدارة المعهد، وقال أنه مشكل كبير انها مازالة مصرة تبقى دايرة الحجاب فالمجلس، وطلب منها ماتبقاش ديرو خلال مشاركتها، أو ماتحضرش كَاع.
وردات عليه حواش بأنه ماعندوش الحق يوريها كيفاش تلبس، وهذ الهضرة بلاصتها المجلس، وطلبات منو استكمال جدول أعمال الاجتماع.
وأكد دوسال، فتصريح ل"لوسوار"، أنها كمفوضة خاص تلبس لباس محايد، وتأسف حيت باقي الأعضاء من مختلف الأحزاب مابغاوش يجبدو ليها هذ الموضوع، بمعنى ان حتى هوما عندهم نفس الملاحظة غير ساكتين.
التفاصيل هنا:
https://www.lesoir.be/381619/article/2021-06-30/institut-pour-legalite-hommes-femmes-corentin-de-salle-mr-demande-ihsane-haouach