مفاجآت جاية ف الطريق حول اطنان الحشيش اللي تحجزو فطنجة وساحل الناظور وخليج الحسيمة واستنفرو الفرقة الوطنية ديال الجدرامية

albayancom0@gmail.com
علمت "كود" من مصادر مطلعة، أن الفرقة الوطنية للأبحاث القضائية التابعة للدرك الملكي استنفرات الضباط ديالها باش يسرعو وتيرة التحريات والتحقيقات في الضوسيات الاخيرة المتعلقة بحجز ازيد من 13 طن ديال الحشيش ف ظرف ايام قليلة بكل من طنجة وساحل الناظور وخليج الحسيمة.
العملية الاخيرة ديال الناظور، تمات وسط البحر، الجمعة الفايتة، بعد رصد زودياك بمحركات متطورة وسريعة بزاف. هاذ الشي خلا الحمالة ديال الزودياك يقدرو يهربو ويرجعو منين جاو، بعد ما لاحو تقريبا 64 كولية ديال المخدرات كيبلغ وزنها الإجمالي نحو طنين. أما العملية الاولى، تكلفات بيها القيادة الجهوية ديال طنجة، الاثنين الفايت، وتم خلالها حجز 12 طن ديال الحشيش وملايير السنتيمات ف بارطما بمنطقة إيبيريا وفيلا ف منطقة السوريين وتشدو جوج ديال الأشخاص. وفي 22 دجنبر الحالي، حجزات دورية للبحرية الملكية طن ديال الحشيش كانت مخبية ف فلوكة خليج الحسيمة.
وأضافت المصادر ذاتها، ان القضية يمكن عندها علاقة بصراع بين أباطرة المخدرات ف الشمال، وخاصة الشبكات اللي مكلفة ب التهريب الدولي للمخدرات إلى أوروبا عبر إسبانيا وماشي بعيد تكون مفاجأت جاية ف الطريق خلال سير الأبحاث والتحقيقات حول هوية المتورطين.