أخنوش رد على أوزين: نتا رجل مزيان ومحترم ولكن مبغيتش ندخل فالمزايدات وبغيتك دير معارضة بناءة.. والحكومة منسجمة ومعندهاش الوقت لي ضيع

عزيز أخنوش، رئيس الحكومة، رد بطريقة ذكية على المعارضة، تجنب المزايدات السياسية وقالي بلي مخصناش نضيعو الوقت فالمزايدات السياسة".
وأضاف أخنوش، خلال جلسة للأسئلة الشفوية حول موضوع السياسات الثقافية، ردا على مداخلة قوية للنائب محمد اوزين، سي أوزين كنعرفو مزيان من 2007 وانا دخلت للحكومة ورجل محترم، ولا داعي هاد المواضيع تجي للبرلمان ".
وتابع رئيس الحكومة :"ما عمرني ندخل لهاد الخطابات الشعبية، وهاد الحكومة معندهاش الوقت والجهد لتضييع زمن المغاربة في المزايدات الخاوية وصعيب تلقا اغلبية منسجمة فحال اليوم، وسي وهبي مشكور رجل دولة وسي نزار مشكور رجل دولة ".
وأوضح أخنوش ردا على تشكيكات المعارضة حول ضعف الانسجام الحكومة، بالقول :"نحن منسجمين ونشتغل فالأغلبية وسنقود هاد القطار، وحتى بالمعارضة وكنفرحو انها تكون قوية وترافع، لكن احترام نتائج 8 شتنبر راه ثقافة سياسية واحترام الاغلبية راه ثقافة سياسية، حزبكم احترمه وكنت غانمشي بعيد، وسي اوزين نحترمه، ونتمنى المعارضة المقبلة ديالو تكون بناءة".