جامعة سطات دارت مجلس تأديبي لأساتذة "الجنس مقابل النقط"وحد المتهمين قالهم عندي 25 محامي.. "گود" جابت ليكم التفاصيل

الاثنين ديال اليوم داز كحل في سطات، ها عاشق المؤخرات أيدات في حقو الغرفة الثانية لي محكمة الاستئناف الحكم الاول ديال عامين حبس نافذ، رئاسة الجامعة كان فيها مجلس تأديبي، اللجنة الجهوية لحقوق الانسان بجهة الدار البيضاء سطات نزلات في ندوة وطنية على التحرش بالنساء، ودابا المحكمة الإبتدائية بسطات وبالضبط في القاعة واحد مزال المحاميين ديال المتهمين الاربعة في هاد الملف كيرافعو، في جلسة جديدة ويمكن هي لاخرة لي كيترأسها كيف العادة الاستاذ القاضي هشام بحار المعروف بتطبيقو للقانون وممثل النيابة العامة فيصل موثيق .
بعيد على المحكمة وفي السياق ديال المجلس التأديبي لي تدار ولي مزال ما خذا قرارو لي حق هاد الاساتذة في انتظار الحكم عليهم من طرف المحكمة باش تتخاذ في حقهم الاجراءات القانونية.
مصدر خاص ل"گود" قال على انو منسق ماستر المالية العامة للي متابعاه النيابة في حال سراح بكفالة ، كينكر ذاك الشي ديال الكونفيرساسيون والتهم الموجهة ليه من قبل النيابة العامة.،بحيت كيضيف نفس المصدر ل"كود"، ان هذا الاخير زاد كيقول بلي عندو 26 محامي ومعندوش مناش يخاف.
ابتدائية سطات نزلات على أساتذة "الجنس مقابل النقط".. الحبس لجوج أساتذة والبراءة لواحد ولاخور البراءة بسباب سقوط الدعوى العمومية للتقادم