البوليس سمع للمستشار البلطجي اللي دكَدكَ ممتلكات جماعة سطات وتعدى على نائب الرئيس.. والرئيس اللي كان ديال الپيجيدي مشى شهد لصالحو

سمعات عناصر الشرطة القضائية بولاية أمن سطات البارح للمستشار البلطجي، اللي بان في ڤيديوات كيهرس في ممتلكات جماعة سطات، وكيضرب بالبونية نائب رئيس الجماعة اللي دار شهادة طبية فيها 30 يوم.
المستشار البلطجي كيبان بللي غارق فهاد الضوصي، إلا أنو استنجد بالر،يس القديم ديال جماعة سطات المنتمي لحزب العدالة والتنمية، وجا باش يشهد ليه واخا الڤيديوات كيبينو التهراس والضرب وتحدي السلطة القضائية.
ووفقا لمصادر موقع "گود" فإن مصالح الأمن سبق ليها سمعات للضحية، نائب الرئيس ديال الجماعة، ومعاه 6 ديال الشهود، وجاب معه شهادة طبية فيها 30 يوم.
وكيبان أن هاد الملف ماغاديش يسالي ادإلا بشي محاكمة فحالة اعتقال لأن هاد المستشار ماشي المرة اللولة اللي كيدير هكا ولكن سبق وخلق فوضى من قبل.