حرب العصابات ديال المخدرات فطريق "حد السوالم" تسببات فقتل شخص ماعندو علاقة بيهم

مصيبة وقعات هذا الصباح ديال اليوم الإثنين على مستوى الطريق الرابطة بين "حد السوالم" وبرشيد.
المصيبة تتجلى فأن واحد السيد كيبيع المحافظ المدرسية مات بسباب صراع بين جوج عصابات ديال المخدرات بعدما كانت طوموبيل تابعة طوموبيل أخرى قبل ما يتصاطحو بيناتهم، و وحدة فيهم دخلات فطومييل مول المحافظ اللي مات بسباب هذا التهور ديال البزناسة.
في هذا السياق كشفات مصادر مطلعة ل"كود" أن هذا الفيلم بدا بعدما كانت سيارة تلاحق سيارة أخرى من نوع "ميرسيديس"، لتتمكن من صدمها من الخلف، وهو ما جعل ال"ميرسديس" تصدم بطريقة مباشرة سيارة ثالثة من نوع "بوجو 205′′، أدت إلى مصرع سائقها وهو بائع للمحافظ المدرسية، ينحدر من جماعة "السوالم الطريفية"، بعدها قام أصحاب السيارة الملاحقة، بحمل من كانوا على متن سيارة ال"ميرسيديس" ولاذوا بالفرار إلى وجهة مجهولة.
الحادث ديال اليوم واش هو امتداد ديال حادث البارح المضاربة بين جوج عصابات ديال البزناسة بالقرطاس على تحرير سوق تتباع فيه جميع المخدرات؟
دبا كاينة جوج احتمالات، واش المخزن فبرشيد رجع اللور و خلى تجار المخدرات كيتطناطحو فيما بينهم؟ أو أن ضعف الاستراتجية الأمنية المتبعة فالمنطقة هي اللي خلات هذا البسالة وهاد السيبة تتوقع؟
الساكنة ديال المنطقة طالع ليهم الدم وتناشد بتدخل الفرقة الوطنية للأبحاث القضائية باش دخل و تسالي هاد البسالة اللي واقعة.