الجديد فملف الهرايفية على اراضي الناس..قاضي التحقيق امر بايداع العصابة فعكاشة ورفض طلب المتابعة فحالة سراح

قالت المصادر ديال "گود" ان قاضي التحقيق بالغرفة 2 ديال محكمة الاستئناف ديال كازا هبط عصابة الهريف على الاراضي ديال الناس فكازا للحبس ديال عكاشة ،وذلك بعد متابعتهم فالتزوير فمحرر رسمي والمشاركة فالتزوير والتصرف فاموال امرة متوفية .
هاد لي هبطو على حساب مصادر "گود" هما ع ب والسمسار الشاذلي والنوطير لي متهم لحد الان باللي مزور جوج عقود على عقار واحد، وكاين جوج معتقلين هما الباتول وكلثوم فيما صيفط زوج الباتول باش تبحث معاه الفرقة الوطنية لشرطة القضائية بعدما بينات كمرات المراقبة لفمكتب ديال النوطير كان حاضر من سينات كلتوم العقد .
هاد كلثوم هي امرأة عندها 75 عام جابوها من حدا الجامع ودارو ليها وشمة بستيلو أخضر ودخلوها سنات وبصمة مقابل 1000 درهم و100 درهم.
وكانت عناصر الفرقة الوطنية للشرطة القضائية بكازا حالت الريزو المورط فعملية لهريف على الاراضي فكازا على انظار الوكيل العام بمحكمة الاستئناف ،وذلكً بعدما انتهت فترة الحراسة النظرية للمتهمين واخضاعهم لمجريات التحقيق بمقر ها بشارع الروداني بعد اجراء مواجهة بين المتهمين والمدعوة الباتول بخصوص عملية التزوير لطال العقا لتبلغ مساحته حوالي هكتار و700 متر .
وكانت الباتول و كلتوم انتحالا صفة مالكة الارض مقابل مبلغ مالي وقامت باتمام البيع بعدما مات مولات العقار ،الامر لدفع احد الورثة الى تقديم شكاية الى الجهات القضائية بعدما اكتشفو عملية التزوير ،من بعد الملف مشا عند الفرقة الوطنية هي لفتحات لانكيط فيه .
.