مؤتمر الحركة الشعبية مهدد بالصداع ولمدابزا..صراع على الصلاحيات بين أوزين والعنصر بدا يبان قبل المؤتمر ومصدر ل"كود": أوزين باغي يتحكم فالتزكيات

أعلنت اللجنة التحضيرية للمؤتمر الوطني الرابع عشر لحزب الحركة الشعبية، المزمع عقده يومي 25 و26 نونبر الجاري، تحت شعار "الوفاء لمغرب المؤسسات" بالمركب الرياضي الأمير مولاي عبد الله بالرباط، مساء يوم أمس السبت بسلا، عن فتح باب الترشح للأمانة العامة للحزب، وذلك ابتداء من اليوم 19 نونبر2022 وإلى غاية يوم الثلاثاء المقبل.
الاجتماع، الذي خصص للمصادقة على الاقتراحات الواردة من قبل لجنتي، البرامج والأرضية السياسية، والقوانين والأنظمة، يعد استكمالا للاجتماع السابق الذي عقد في 22 أكتوبر الماضي.
هنا كولشي باين فبلاغ اللجنة التحضيرية، ولكن فالكواليس كانت حرب بين جوج تيارات، واحد باغي يعطي جميع الصلاحيات للأمين العام المقبل لي كولشي كيروجو (محمد أوزين)، وتيار ثاني باغي يخلي اهم الصلاحيات للعنصر لي غايبقا رئيس الحزب (زعما رئيس شرفي).
أوزين باغي صلاحيات حقيقية ويقطع مع مرحلة الولاء للزعيم، باغي حزب جديد، لذلك عينو على هيئة الأمانة العامة.
أوزين واخا باغي هادشي، معندوش اغلبية مريحة، عندو معارضين بزاف، حسب مصادر "كود" أوزين فشل يحقق المراد ديالو، واللجنة التحضيرية فرضات الاجندة ديالها وغاتعطي كولشي تقريبا للعنصر.
وحسب مصدر "كود" فإن أهم الصلاحيات هي التحكيم في النزاعات، والتحكيم في التزكيات الانتخابية، هاد الصلاحيات تعطاو للعنصر، وتقريبا هي كولشي. يعني ملف الانتخابات بيد زعيم أبدي للحزب، وصعود أوزين كيبقا غير "صوري".
وثاني الخلافات داخل الحركة الشعبية، ولي ممكن يفجر المؤتمر، هي لائحة المكتب السياسي، بحيث أوزين باغي لائحة مغلقة وحيدة، وملي يجيب 51 في المائة من الأصوات يعني تفرض اللائحة ديالو وماشي التمثيل النسبي، وبالتالي التيارات الأخرى مغاديش تلقا راسها فالمكتب السياسي.
فالكواليس، المهدي عثمون، نائب رئيس مجلس المستشارين، من المعارضين ل"أوزين"، كيقوليهم فالكواليس بلي يلا جا شي حد يترشح ضد أوزين غادي يغلبو.
وفالكواليس كولشي كيهضر على غياب محمد حصاد وسعيد امزازي، كاين لي باغيهم داخل الحزب ولكن كيتسناو اشارات وصافي باش يزعمو وينافسو أوزين.
من الناحية المالية، الحركيين دارو دارت، كولشي ميزا كولشي ساهم، صحاب الشكارة حطو الفلوس كل واحد بالقدر لي عطا، حيث معندهمش الدعم العمومي. التكلفة المالية ديال المؤتمر تقدر توصل ل5 مليار.