السعودية اللي ربحت ميسي خسرات مع ليفندوفسكي وبولونيا خدات لها الصدارة

خسرات السعودية مع بولونيا اليوم السبت، فالجولة الثانية من كأس العالم قطر 2022، فالكروب 3 من البطولة ومشات لها صدارة المجموعة، واللي كانت تصدراتها من بعدما ربحت الارجنتين بقيادة ميسي فالجولة الأولى.
وخسرت السعودية بنتيجة 2 لزيرو، واخا المنتخب السعودية قد ماتش كبير ودار فيه كلشي الا يماركي حيث شد الكرة وخلق فرص كثير ولكن غابت عليه اللمسة الأخيرة ومنها بيلانتي ضيعو لها الكابيتان سالم الدوسري مع نهاية الشوط الأول د، عكس بولونيا اللي جاوها فرص قلال فالماتش وماركات منهم 2 و 2 ضربو فالبارات، والبيوت ديالها ماركاهم لها كل من بيوتر زيلينسكي فالدقيقة 36، والكابيتان روبيرت ليفندوفسكي فالدقيقة 82 من بعد خطأ فدفاع السعودية وهذا أول هدف ديال ليفندوفسكي فكأس العالم.
وبهاد النتيجة مشات الصدارة من السعودية اللي تجمد رصيدها بقات عندها 3 بوان، وخداتها منها بولونيا اللي صبح عندها 4 النقاط، فانتظار الماتش الآخر ديال نفس لكروب ما بين الارجنتين والمكسيك.