سكوب.. إدارة ENCG سطات وقفات الموظف مول فضيحة التسجيل لي ماشي قانوني بشكل مؤقت وها اش قال الموظف فالتحقيق

مزال الملف ديال الموظف التابع للمدرسة الوطنية للتجارة والتسيير بسطات كيجيب الجديد، وديما "گود" هي السباقة بنشر التفاصيل الحصرية فملفات ساخنة بحال هادي.
مصدر خاص ديال "گود" من داخل وزارة التعليم العالي والبحث العلمي والابتكار أكد ان التفتيشة لي جات السيمانة لي فاتت توصلات بتقرير مفصل من عميدة كلية العلوم القانونية والسياسية بسطات حسنة كجي وكذلك من مدير المدرسة الوطنية للتجارة والتسيير بسطات بالنيابة لي قرر حسب مصدرنا توقيف الموظف بشكل مؤقت فاليوم الموالي لي بانت فيه الفضيحة، وراه مزال دابا موقوف على العمل حتى تخرج نتائج التحقيق الى هي برءاتو.
وفتفاصيل التحقيق معه كمتهم اوضح مصدر "كود" ان الموظف منكرش تسجيلو للطالب وقال على انه طلبو عليه شي حد من سطات لي سبق ووقف معه فشراء شقة.
باقي نتائج التفتيش ما بانتش ولكن غادي يكون مجلس تأديبي المتورطين.