أضف مثلا لإغناء الموروث الثقافي المغربي الشعبي ؟

أمثال شعبية مغربية
اللي قالك لا تقولو واللي سولك لا تعطيه خبار.
معرفة الرجال كنوز.
يلى شفتيهم دورو علينا عرف حاجتهم فينا.
اللي زرع الشوك تيحير فاحصادو.
اطلع تاكل الباكور انزل شكون قالهالك.
العمش فدار لعمى بعينيه
الحر بالغمزة والعبد بالدبزة.
ما مور الشدة الا الفرج.
اللي تيتسحر مع الدراري كيصبح فاطر.
حاول على حميرك تحج عليه.
اللي فاتك خليه لبناتك.
الله ينجيك من المشتاق يلا فاق.
* دوز على الهرهوري ولا دوز على الساكوتي.
* السلطان بالتاج وكيحتاج.
اللي عضو الحنش كيخاف من الحبل.
خدم يا التاعس لناعس.
اللي كيربي ولاد الناس بحال اللي كيدق الما فالمهراز.
نوضوها تشطح دارتها بصح.
اتاي لعشية خير من بقرة مشوية.
حسابتني كرمة وفيها الكرموص سعا هي خربة و فيها الناموس.
الي ما عندو هم كتولدو لو حمارتو.
يد في الطبق وعين على من زهق.
تعلمو يا الحجاما فروس ليتاما.
بحال الي تيسعى بولدو على كتفو هو تيقول انت على الله وولده تيقول الله يجيب.
جبنا القرع ينوسنا عرى راسو وهوسنا.
دابزو يا الفيران على خميرة الجيران.
الزواج والموت هم لا يفوت.
المراة الحرة ما تاكل غير من يد زوجها.
الراجل بدراعو ماشي بمتاعو.
اللي حبك حبو ولقلبك زوجو واللي جفاك جفيه وتعداه ودوزو.
تهجالت لعناية ولا زواج الدل.
خود بنت قرابة و لا تاخد بنت غرابة.
يا الطامع في الزيادة رد بالك من النقصان.
ابنادم دربو على حلقو ينسى اللي خلقو.
يلا كان خوك عسل ما تلعقوش كلو.
التربية في الصغر كالنقش على الحجر.
العصى ما كتخلي من يعصى.
ولد ولدك زوين ما تعدمشي اللي يبوسو.
لهلا يورينا فولادنا ميخلعنا.
ادعاوي بارشاوي.
عيطت على ديالي جاني عيطت على ديال الناس مشى وخلاني.
اللي كثرو همومو كثرو اعجوبو.
يلا بغيتي اتوحش صاحبك سلفو.
اللي درقك ابخيط درقو بحيط.
تيدور الزرع حتى كيدور وكيرجع لعين الرحى.
يلا امشا الزين كيبقاو حروفه ويلا امشا المال كيبقاو خروقه.
الخير كيجلس والهم كيكمش.
كيدق ويقول شكون.
كيبيعو الارض ويضحكو على من شراها.
الغربة كتلوح حتى لبلاد الشلوح.
ما يحس بالمزود غير اللي واكل بيه.
اللي دارها بيديه يفكها بسنيه.
قالو اشخصك يا لعريان قالو الخاتم يا مولاي.
ما بين اللقمة والفم تيريد ويحكم.
الضحك كيفصخ البيع.
اللي حبك ما بنالك قصر واللي كرهك ما حفرلك قبر.
اللي تيكون اناني تيبقى وحداني.
اللي اربحتيه تاكله والدين باش تخلصو ؟
اللي ما جابتو المحبة ما تجيبو الحزارة.
اللحية مكترفد اللحية غير لقبر.
اليد اللي طعمتنا الحلال تيكونو ناسها قلال.
خليني نبلع ريقي حتى نعرف عدوي من صديقي.
اللي ربط حمارو مع الحمير كيتعلم الشهيق والنهيق والخروج على الطريق.
اللسان طويل والدرع قصير.
اش يقدك من الصلاة يا البايت بلا اعشى.
الجمل ما كيشوفش حدبتو كيشوف غير حدبت خوه.
ما ينفع غير الصحيح اما الراشي كايديه الريح.
اللهم اعمش ولا اعمى.
اللي شاف شي يقول الله يستر.
مول البنات ما يبات هاني.
ازرب تعطل.
لو كان الخير فيا ما يتزوج راجلي عليا.
كان راجلي واصبحت انعشقو.
يعيى من يعطي وما يعيى من يشد.
اللي حبابو عريانين عمرو ما يتكسى.
ملي كطيح البقرة تيقواو السكاكن.
اللي احشم فما ضرو الشيطان غرو.
لو كان الخوخ يداوي لو كان داوى راسو.
الله يجيب اللي يفهمنا ولا يعطنشاي.
هاك ابوه رجليه جابوه.
حتى يخلاق عاد نسميوه عبد الرزاق.
الله يعطينا شي نقرة فين يغبر نحاسنا.
حتى قط مكيهرب من دار العرس.
الصنعة يلا ما غنات كتستر واقيلة كتزيد فلعمر.
اشعند الميت ما يدير قدام غسالو.
شحال ما طال الليل كيصبح النهار.
جلسة احسن من وكلة.
نقا على نقا ما تيورد شقا.
الزيادة من راس لحمق.
كول بشهوتك ولبس بشهوت الناس.
قالو اشمتك قالو اعرفتك.
شد تصيب ما اتحل.
اللي احفر شي حفرة كيطيح فيها.
اللي ما لقى الخير فركانو يكون الخير فلسانو.
ما دير خير ما يطر باس.
شطارت الكوزينة كتشري مدينة .
حاسبني حساب عدوك وجلسني بلاصت خوك.
دهن شواربك بالسمن ودوز على عدوك مصبن.
اللي ماجي لعندك لا تمشي عنده.
اللي اتخدمو طيعو واللي اترهنو بيعو.
كن اسبع و كولني.
يلا شفتيها بسعدها عرفها مكملا من عندها.
ما تشري حتى تقلب وما تصاحب حتى تجرب.
امدح صاحبك قدام الناس و لوح صحبك الراس فالراس.
العراضة سنة والعاقل ما كيدنى.
حج وحاجة وقضيان حاجة.
يلا فاتك الكلام قول اسمعت ويلا فاتك الطعام قول اشبعت.
كل غيبة كتزيد هيبة.
عز الخيل مرابطها.
اللي تيركب لحصان كل الناس اتوسعلو لمكان.
العز والنصر والسكنة فلقصر.
الموت بالردم ولا معاشرت لخدم.
سوق النسا سوق مطيار يا الداخلو رد بالك يوريوك من الربح قنطار وياكلولك راس مالك.
ديرها فالرجال وترجاها وديرها فالنسا ولا تنساها.
مراة المنحوس ما هية مطللقة ما هية عروس.
حالتي حالت النافخ العافية على قلبو والطيقان فجنبو.
ملي تنحتاجك يا وجهي كيخبشوك لقطوط.
الجوع والنوع والبكا بلا دموع.
منحوس منحوس ولو على راسو فانوس
عمرو ما احبى وملي احبى طاح فلبير.
رضينا بالهم والهم ما رضا بينا درناه عند راسنا صبح عند رجلينا.
الحنة حرشة والحناية عمشة والعروسة فيها بو تفتاف.
محيلي المكتوب وانا انتوب.
حسدو العمى على عكازو.
عاند ولا تحسد.
السفيه ما كينطق غي بلي فيه.
ودن صمة والاخرى فيها الماء.
اللي ما شاف من عين الغربال اعمى.
غرزة زايدة فيا وهم لعرى فايت فيا.
القرع بفلوسو ارى ديك الراس نبوسو.
ادفع ما في الجيب يجيب الله ما في الغيب.
لا تخمم لا تدبر لا تحمل الهم ديمة
الفلك ما هو مسمر ولا الدنيا مقيمة
يا ذا الزمان يا الغدار يا كسرني من ذراعي
نزلت من كان سلطان وركبت من كان راعي
راح ذاك الزمان وناسه وجاء هذا الزمان بفاسه
كل من يتكلم بالحق كسروا له راسه
مثلت روحي مثل الحمام مبني على صهد ناره
من فوق ما باين دخان ومن تحت طاب أحجاره
ما أتعس من ماتت أمه وأبوه في الحج غايب
وما وجد حد يلفه وأصبح بين الدواوير سايب
الشر ما يظلم حد غير من جابه لنفسه
في الشتاء يقول البرد وفي الصيف يغلبه نعسه
المكسي ما دري بالحافي والزاهي يضحك على الهموم
اللي نايم على الفرش دافئ والعريان كيف يجيه النوم
من لا يطعمك عند جوعك ولا يحضر لك في مصايب
لا تحسبه من فروعك قد حاضر أو غايب
الصمت الذهب المشجر والكلام يفسد المسألة
إذا شفت لا تخبر وإذا سألوك قول: لا لا
نوصيك يا واكل الراس في البير ارم عظامه
اضحك والعب مع الناس فمك متن له لجامه
كل مهذار مسوس يجيب الهلاك لراسه
يستاهل ضربه بموس حتى يبانوا أضراسه
لي تبلا بالسعاية تيقصد الديور الكبار
العكوزة يا وجه الدلو انت حارة ولدك حلو
لالا زينة وزادها نور الحمام
قالوا فلان طاح قالوا من الخيمة ماشي مايل
الحيط الحيط والحاضي الله
الا كان حبيبك عسل ما تلعقوش كامل
علمناهم السعاية وسبقونا للديور
انا بالتمر لفمو وهو بالعود لعيني
شكرا على الامثال
ومعذرة على الاضافة
وَقًّر الكْلْبْ على وْجَهْ مُولاَهْ.
وَرثَة أو حَرْثًة ولا سير حتى.
وَقْتْ احْتَاجيتْكْ يا وجْهْي خْرْبْشْوكْ لقْطُوطْ.
هْمُومْك أعْملْها في شبْكةْ شِي يْطِيحْ شِي يبقى.
واحد يَاكُلْ الفُولِ والاخَرْ يْتْنَفَّخْ فيه.
موت الاحْبَابْ تَتْعَوًّجْ الايَّامْ.
مَا يْقُولْ الحَقْ غير الصغير أو الاحمق.
مَا يْنْسَاوْ لْحْسَايْف غير أولاد التَّلايفْ.
ما غْسْلْ حْصَايْرو يَغْسَلْ ذْ الجَّامَعْ.
مَا هُوَ العِيبْ على من حرث في السطح، العيب على من خَمَّسْ عليه.
ما صَابْتْ المَغْبُونَةْ بَاشْ تْذَكَّرْ مْشَتْ للجامع تْوَذَّنْ.
مْنْ لاَ عْشَا في كَمُّه يْحْرَقْ أبُوهْ و أمه.
لِّيْ مَا عَنْدُو فُلُوسْ كْلاَمُوا مَسُّوسْ.
لي مَا وَاتَاهْ الأخضر مَا يْلْبَسْ مَا يَحْضَرْ.
لي ما وتاه العَكْري يمد رُوحُه بَكْرِي.
من فوق الجذام ما بْقَتْ حتى عْلَّةْ.
لي كَيْغَنِّي هْمُّه كَيْسَلِّي
مْنِينْ دَاكْ العْرِيَّشْ قال لُه مْنْ دِيكْ الشّْجِيرَةْ.
مَنْ دَرْجْ لْدَرْجْ حتّى يْجِيبْ الله الفَرْجْ.
لِّي رْبَّا الغُرَابْ يُنْقَبْ لُو عِينُو.
المَكْنَاسِي جْوَابُو في فَمُّو والتِّطْوانِي حْتّى يشاور أمه.
لو كان ما رَفْدٌونِي مْنْ تَحْتُو كُونْ قْتَلْتُه.
الِّيْ وْفَى أَجْلُه يْمَدْ رَجْلُه.
الِّيْ يْعْمَلْ رَاسُه في المَزْبَلَةْ كَيْخَرْبْشُوهْ الدّْجَاجْ.
اللّْسَانْ يْسَبَّحْ والقَلْبْ يْذَبَّحْ.
الِّيْ مَاتْ لُو غْزَالُه أَشْ مْنْ حْبِيبْ يْبْقَى لُه.
الِّيْ ما يكون عَنْدُو العسل في دَارُه يكون عَنْدٌو على طرف لْسَانُو.
الِّيْ ما عَنْدُو مَا يَشَدّْ إِشَدْ فَمُّو.
الِّيْ تْهَرَّسْ لو مْنْجْلُو يَعْمَلْ مَنُّو مْحَشَّةْ.
الِّيْ شَفْتو رَاكْبْ عْلَى قَصْبَة قُولْ لُو مبروك العُودْ.
الِّيْ تْرَهْنُو بِيعُو، والِّيْ تَخْدْمُه طِيعُو.