الأمير مولاي هشام ل"إلپاييس" الإسبانية: باردة باردة واللي ما حماها تقطع يدو

نشر الأمير مولاي هشام مقالا في يومية الپاييس الإسبانية حول قضية سفاح قنيطرة اعتبرته مواقع "ألف بوست" و"لكم"، الموالين له مقال رأي حدد فيه المؤسسات الدستورية المغربية التي تطالها وسوف تطالها سهامه بالوكالة في المرحلة الحالية والمقبلة. وحتى نقرب القراء من دفتر تحملات الأمير وصبيته في مواجهة المجتمع المغربي، نسوق لهم قراءة "ولد عايشة" لأهم ما جاء على لسان الأمير "الطولانطي" في مقاله ليومية "الپاييس" المقربة من الحزب الشعبي الإسباني والأوساط المحافظة والعسكرية الإسبانية.
الطولانطي: كِي جِيتَكْ فِي هَادْ الشِّي دْيَالْ "الپاييس"
ولد عايشة: غِيرْ كَتْرَكَّلْ بْحَالْ الفْرِيرِيجْ المَدْبُوحْ ليلة 27 ودَايْرْ رَاسَكْ بْحَالْ طَارْزَا
الطولانطي: المقال دْيَالِي كان قْوِي انْتَقَدْتْ فِيهْ كُلْشِي، الملكية، الحكومة، البرلمان، الصحافة
ولد عايشة: هَادْ الشِّي دْيَالَكْ فَكَّرْنِي في الهَضْرَة دْيَالْ المرحوم القدافي، هو ضد الحكومة، ضد البرلمان، ضد الأحزاب، حَاكَمْ غِيرْ هُوَ والصْفِيَّة الفَرْمْلِيَّة ومَلِّلي وْلاَّتْ شَقْفَة شَافْ لِيهْ فَرْمْلِيَّة أخرى من بلغاريا، دَاكْشِي دْيَالَكْ فِيهْ شْوِيَّة دْيَالْ الشْكيزوفرينيا، دَرْتِي رَاسَكْ لْفُوقْ بْحَالْ البَاڭَاجْ و بْدَيتِي كَتَعْطِي النُّقَطْ للمغاربة و للمؤسسات الدستورية، وَ نْبْدَاوْ دَابَا وَحْدَة بْوَحْدَة
الطولانطي: أنا لم أناقش مبدأ العفو الذي هو مبدأ مشروع أقره الدستور الذي صوت عليه المغاربة، ولكنني انتقذت المسطرة التي تتعلق بتحديد لائحة المستفيدين.
ولد عايشة: يَاكْ بَعْدَا صَوْتُوا عْلِيهْ المغاربة لَكِنْ أَنْتَ مَصَوَّتِّيشْ عْلِيهْ وبْقِيتِي نْهَارْ كَامَلْ وَأَنْتَ سَامَرْ فِي الدَّارْ تَتْسَنَّى الخَاوِي.
أما المسطرة فوزير العدل كُلِّفَ بتقديم اقتراحات دْيَالْ التَّزْيَارْ دْيَالْهَا لأنها مسألة مبدئية مَاشِي حِيثْ السْمَايْرِيَّة بْحَالَكْ قَالُوهَا
الطولانطي: أنا في الحقيقة عِينِي فِي أَقْرَبْ المُقَرَّبِينْ الِّلي سَمِّيتُو الصدر الأعظم
ولد عايشة: الصدر الأعظم مَابْقَاشْ في المغرب مْشَا مْعَا بَا احْمَادْ والجْوَامْعِيَّة دْيَالُو، كُونْ بْقَا الصدر الأعظم في الدار الكبيرة كُونْ بَاقَا دَارْ الطَّرْشْ ودَارْ الفَلَقَة وَلَكِنْ دَاكْشِي من الماضيأيام كانت عدالة الدار الكبيرة تطال الأمير قبل الأجير، وكُونْ كَانْ عَنْدَكْ اللِّي يْجِيبْلِيكْ خْبَيْرَاتْ دْيَالْ الصَّحْ كُونْ عْرَفْتِي أَنَّ أَقْرَبْ المُقَرَّبِين لا علاقة له بملف الحبس والحَبَّاسَة الذي يهتم به وزير أسبق يفهم في العدالة العدلية.
الطولانطي: وْ هَادَاكْ المِيرِيكَانِي الِّلي تْعْطَاهْ وِسَامْ نْهَارْ عيد العرش مَاشِي خَطَأْ حْتَّى هُوَ؟
ولد عايشة: زْعْمَا ضْرَبْتِيهَا فِي العَيْنْ العَوْرَة مَلِّي قُلْتِي بِأَنَّهُ نائب رئيس اللوبي الإسرائيلي في أمريكا، يَاكْ بَعْدَا قُلْتْ لِيكْ القضية عَنْدَكْ فِيهَا رِيحَة تَقَدَّافِيتْ الِّلي كان مْصَدَّعْنَا بالقضية الفلسطينية 40 عام مْشَا وْمَا حَرَّرْشْ فلسطين، كَانْ كَيْعْطِي الفلوس غِيرْ ابو نضال بَاشْ يْصَفِّي قادة المقاومة الفلسطينية، وْيَاكْ نْتَا عَايِشْ في مريكان مْلِّلي نَاضَتْ الغَوْتَة في مجلس الأمن حول الصحراء آش دَرْتِي، جْمَعْتِي وُطْوِيتِي،واسيدي حْنَا اللِّي عَاشِقْ المغريب ويدافع علا المغريب عندنا معزز مكرم، كُونْ مَا هو واصْحَابُو الِّلي كَيْحَبُّوا المغريب وْبْقِينَا كَنْتْسَنَّاوْكْ نْتَا تْنَفّذْ لِينَا بْلاَنْ دْيَالْ مْسَلْمِي التاميل كُونْ المَغْرِيبْ حَدُّو طانطان كِيفْ كَتْقَلَّبْ نْتَا وْ صْحَابَكْ، هذا ليس انحناء أمام الأجانب بل هو دفاع عن المغرب الذي نحب و اللِّي مَا عَنْدُو كْبْدَة عْلاَ بْلاَدُو وْ مَصَالِحْ بْلاَدُو لا خير فيه حتى لنفسه فبالأحرى لبلده، وَ بْقَا نْتَا سَامَرْ وْ تَتْقُول الشعب آشْ مِنْ شَعْبْ كَتْكَلَّمْ عْلِيه
الطولانطي: الجماهير الهادرة التي خرجت للإحتجاج على قضية دانييل
ولد عايشة: أولا الناس التي خرجت مَاشِي دْيَالَكْ، هِيَا دْيَالْ رَاسْهَا وْ مْنْ حَقْهَا تْخْرُجْ و حتىالعصا الغبية التي طالتها فهي بغبائها تخدم موضوعيا السمايرية بحالك، الناس التي خرجت عادت إلى حياتها العادية و لو كانت تعرف أنها سوف تؤثث يوما مقالا نرجسيالك في يومية اسبانية لما خرجت و تركتك تبحث عن ذاتك في باب الحد بعيدا عن الشعب.
قضية دانيال كالفان انتهت و الدنيا هانية أخاي ديالي، الناس عَيْدَاتْ وْ مْشَاتْ تْصَيَّفْوْ شُوفْ لِيكْ شِي هَمْزَة أخرى
الطولانطي: وَانَا المَقَالْ كْتْبُوه لِيَا قْبَلْ العِيدْمَلِّي جَا عَنْدِي صَامْبْرِيرُو حْبِيبِي للْربَاطْوَ لَكِنْ "الپاييس" اللِّي عَطْلُو النَّشْرْ دْيَالُو، وْ هَا الشعب حَيَّدْنَاه و الحكومة و البرلمان و الأحزاب الكبرى و الصحافة عْلاَشْ مَتْحَرْكَاتْشْ؟
ولد عايشة: هَادُوكْ عَنْدْهُمْ إِرْثْ نِضَالِي وْ أَدَّوا على مواقفهم الشيء الكثير، مَاشِي خْدَاوْ الإرث دْيَالْهُمْ بِالكْتْبَة دْيَالْ العْدُولاَتْ، جَابُوهْ عْلاَ دْرَاعْهُمْ و الملفاترَاهَا عَنْدْالإنصاف و المصالحة و لم يتورطوا في الترويج للفكر الإنقلابي من خلال تبييضك لجرائم أوفقير حتى يضعوا اليوم إرثهم في كفتك لتعيد عقارب الساعة إلى زمن العسكر و الديكتاتوريات البائدة
الطولانطي: آشْ مِنْ عَسْكَرْ أَ ولد عايشة هَادَا غِيرْ بَاطْلْ بْغَيتِي تْطَيْحُو عْلِيَّ
ولد عايشة: نْطَيَّحْ عْلِيكْ البَاطَلْ وَ شُوفْ آشْ قُلْتِي في مجلة زمان عْلاَ دْمُوعْ أوفقير ليلة سفر مولاي عبد الله في الطائرة الملكية صيف 1972 وْ لاَ نْسِيتِي الجنرال المدبوح آشْ كَانْ مْسَمِّي المرحومالله يرحموو نسيتي علاش كانت المحاولة الإنقلابية ديال 1971 وْ لاَ نْتَا كَتْقْرَا التاريخ غِيرْ مِنْ ڭْفَاهْ، كُونْ نْجَحْ أوفقير في المخطط دْيَالُو كُونْ دَابَا نْتَا كَتْصَيَّدْ ڭْرِيڭَرْ في بلاد الواقواق وْ عَايِشْ بْلاَ وَرْثْ وَ لاَ يَحْزَنُونْ، زَعْمَا طَلَّعْتِي البارا بعد الحوار اللِّي دَرْتِيه مْعَ نَفْسَكْفي أڭورا
الطولانطي: لاَ و الله حْتَّا كْتَبْتْ المقال قْبَلْ مِنْ الحِوَارْ مْعَا نفسي، هَادَاكْ الحوار مِنْ ْنهَارْ قْرِيتُو وْ أَنَا شَاعَلْ وْ حْتَا وَاحَدْ مَا بَرَّدْ لِيَّا غْدَايْدِيالمخازنية دْيَالِي غَادِي نْجْرِي عْلِيهُمْ كَامْلِينْ غِيرْ البْكَايَا وْ هْرِيدْ الفْلُوسْ، هَا عَارْ الله لَمَا تْفْرَقْ عْلِيَّا أولد عايشة غِيرْ بَارَكْ أُو دَاوِي مَا مْرَاعِي لْحْتَا حَاجَة
ولد عايشة: كُونْ ولد عايشة يْقُولْ كُونْ قَالْ شَلاَّ وْ بْلاَ وَالِي كُونْ عَرَّا عْلاَ قَاعْ الخَابْيَة، دَابَا غِيرْ كَيْهَيَّبْ عْلِيكْ أُو مْرَاعِي أُو دَايَرْ بْحْسَابْ العشرة القديمة
ا لطولانطي: وَ يَاكْ أَنَا مْشِيتْ لْميريكان وَ نْسَاوْنِي شْوِيَّة
ولد عايشة: رَانَا عَارْفَكْ سْمَايْرِي و الله تَيْخَلَّصْ كُلْ وَاحَدْ عْلَى قَدْ فَعْلُو رَاهْ الشْطَايْرِي كَيْتْقَدَّا جُوجْ مَرَّاتْ في السوق والحْسَاسْبِي كَيْعْيَا مَا يَحْسَبْ وْ تَيْشِيطْ لِيهْ
وَتْبْقَا عْلَى خِيرْ أَوَلْدْ الدار الكبيرةهَا تَاطُولاَنْطِيتْ وْ التْمَقْلِيعْ دْيَالَكْ نْطَحْتِي بِيهْ الحَايْطْ وَ كَمَّدْهَا وْ تْبَرَّعْ لِيَّا مْعَا رَاسَكْ فِي مريكان.