ابن كيران يخلط أوراق العثماني ويدعو برلمانيي المصباح للعصيان

في خرجة مثيرة, دعا عبد الاله بنكيران الامين العام السابق لحزب العدالة والتنمية خلفه سعد الدين العثماني الى العودة الى جادة الصواب ورفض القانون الاطار للتربية والتعليم الذي توافقت عليه الأغلبية وتستعد لتمريره.
وطالب بنكيران في شريط له ليلة أمس الأحد (31 مارس)، على حسابه على الفايسبوك, خلفه على رأس الحكومة وحزب المصباح الى التراجع عن مشروع القانون الاطار الحالي وأن يغادر الحكومة, مخاطبا اياه " حنا ما نساهموش فهاد الشي ويلا كان سي سعد كيسمع مني بغيت نقوليه سي سعد ما يكونوش الاستقلالين داو شرف التعريب ديال المواد العلمية قبل 30 سنة، وأنت تدي العار ديال إعادة الفرنسة ديالها، الله يهنيها هاد رئاسة الحكومة واش أنت أول رئيس حكومة اللي طاح، داك الشي اللي بسببو رفضت دخول الأحزاب الأربعة ووقع بسببو البلوكاج أهون من هاد الشي اللي كيوقع اليوم".
وأضاف معاتبا العثماني إلى العثماني: "أنا فرأي يلا خرجتي دابا تخرج راسك مرفوع ويلا بقيتي ما غتقدرش تهز راسك قدام المغاربة، لأن هاد الشي اللي كيدار اليوم لا مشا حتى داز هاد الشي غيفشل وكون كان ايعطي شي نتيجية كون ما بدلناهش هادي 30 عام".
ووجه بنكيران الحديث الى نواب ووزراء حزبه طالبا منهم عدم التصويت على القانون الإطار 51.17 المتعلق بإصلاح منظومة التربية والتكوين والبحث العلمي، ولم يتردد في الأكيد على موقفه الرافض له قائلا: "أقسم بالله العلي العظيم كون كنت رئيس حكومة هادا القانون ما يمكن يدوز، لأنه ما شي معقول واحد الأمة كتقري المواد كلها بالعربية اللي هي لغتها الوطنية والرسمية دون أي تنكر للغة الأمازيغية، ماشي معقول بين ليلة وضحاها نبدلو هاد الشي ونرجعو للغة المستعمر، إلا أن يكون وراء هذه الأشياء لوبي استعماري، وأنا هاد الشي اللي كنشك فيه".
وخاطب الفريق البرلماني لحزب المصباح "أنا اليوم كنخاطب النواب البرلمانيين بصفة عامة، وخصوصا ديال للحزب ديالي، أن هاد القضية هادي التي رأينا أن البرلمان قاوم فيها والفريق الاستقلالي، ووقع توافق على صيغة لي غيكون فيها تدريس جميع المواد العلمية بالفرنسية وهادا إهداء للتعليم ديالنا للغة المستعمر".
وبلغة صارمة قال بنكيران "ماشي من حقكم تصوتوا على هاد القانون نهائيا، وكنعتبر هادي خيانة للمبادئ اللي اتفقنا عليها فالأول، وغادي يكون ضربة قاتلة إن لم نقل قاضية لحزب العدالة والتنمية وغيتنكرو ليكم المواطنين... خليهم كاع تبان أغلبية جديدة يلا كان من الضروري هاد الحكومة تطيح وتدار حكومة أخرى ما تكونش نتوما شهود زور".
وأضاف "تنقول للإخوان ما تقبلوش هاد القانون وكنقول لإخوة البرلمانيين وأنا هاد الموضوع لا أقبل فيه الحياد يجب أن تصوتوا ضده ".