سالا الوداد الرياضي الاستعدادات لمواجهة سيمبا التنزاني غدا السبت بدار السلام التنزانية، برسم ذهاب ربع نهائي عصبة أبطال إفريقيا لكرة القدم. وخاض الوداد الرياضي اليوم الجمعة، آخر حصة تدريبية للفريق قبل مواجهة سيمبا التنزاني، وهي الحصة اللي تجرات بالتيران بينيامين مكابا اللي غيتلعب في الماتش. الحصة التدريبية بدأت مع 1 الظهر وهو التوقيت اللي غيبدا في ماتش غدا ضد سيمبا، والأجواء كانت زوينة داخل الفريق خلال الحصة التدريبية وكل اللاعبين واجدين ومركزين تحت إشراف المدرب كارلوس كاريدو. وبخصوص الطقس في تنزانيا، فدار السلام فيها أمطار ولكن الرطوبة مرتفعة بالمدينة الشي اللي كأكد أن الطقس غيكون صعيب على الفريقين فالماتش، مع العلم أن اللاعبين ديال الوداد الرياضي كانوا صايمين اليوم خلال آخر حصة تدريبية، حيث عيد الفطر في تنزانيا غيكون غدا السبت.
