سابقة.. رئيس مقاطعة حسان دار مراسلة رسمية بالدارجة لعمدة الرباط: خرقتي القانون بزاف وغانخاطبك بالدارجة باش الرسالة توصل للفهم الديكتاتوري ديالك – وثيقة

في سابقة من نوعها، خاطب رئيس مقاطعة حسان عمدة الرباط، بالدارجة عبر مراسلة خطية رسمية تحمل رقم 998 يوم أمس الثلاثاء 25 أبريل الجاري.
وقال رئيس مقاطعة حسان إدريس الرازي، مخاطبا عمدة الرباط أسماء اغلالو :"بما أنه من الصعب عليكم إدراك واستيعاب منطق القانون وماهية وأهداف قواعد الحكامة الترابية، سأخاطبكم سيدتي الرئيسة بالدارجة المغربية لعلها تجد منفذا لفهمكم المحدود".
وجاء في المراسلة :"والسيدة الرئيسة المحترمة، الله يرضي عليك راه المادة 254 من القانون التنظيمي 113.14 واضحة وباينا للعمى، راه مجلس الجماعة لي تيقرر في التحويلات لي جاية من مجالس المقاطعات ماشي الرئيس. وهذوك أعضاء المكتب اللي معك. مكاينش فيهم شي واحد ينصح لله في الله فاش تاتعرضي عليهم جدول أعمال الدورة ويقول ليك راكي خرقتي القانون؟؟ والا واقيلا متايشوفوش جدول الاعمال او معندهومش رأي أو دور".
وجاء في ختام المراسلة :"نتمنى أن الرسالة تكون وصلات للفهم ديالكم الديكتاتوري، وتراجعي مجموعة من القرارات لي كلفات ساكنة الرباط الرجوع خطوات للوراء".
يشار بلي الحرب بين عمدة الرباط ورئيس مقاطعة حسان، شعلات بزاف مؤخرا خصوصا بعدما رفض العمدة توافق للمقاطعة باش يشريو سيارات لأعضاء المكتب، اضافة إلى تنازع الاختصاصات بيناتهم.