يوسف بلعمري: غنتقاتل باش نربح الألقاب مع الرجاء

عبر يوسف بلعمري اللاعب الجديد ديال الرجاء الرياضي اللي سنا مع الفريق اليوم الأحد، على الفرحة ديالو حيث غيلعب مع الخضرا، وعطى وعد باش يربح الألقاب مع النادي.
وفأول خروج له بعدما سنا مع الرجاء الرياضي، قال يوسف بلعمري فتصريح للموقع الرسمي د الخضرا: "كنشكر المكتب المسير للرجاء على الثقة اللي دارو في، وغادي نتقاتل مع الدراري باش نحققو جميع الألقاب الممكنة، ونكونو عند حسن ظن الجماهير الرجاوية وديما ديما رجا".
وقدر المكتب المديري للرجاء الرياضي برئاسة محمد بودريقة أنه يفوز بخدمات يوسف بلعمري فصفقة انتقال حر، واخا كانت عليه منافسة من ليفار والوداد الرياضي، ونجح أنه يسني معه عقد لمدة 3 سنين، باش يكون هو 3 صفقة رسمية للنادي هذا الميركاتو.