إسبانيا: تفكيك ريزو إجرامي فيه مغاربة كيفبركو حالات عنف زوجي باش يتحايلو على القانون ويستافدو من الوراق

albayancom0@gmail.com
قالت يومية "إل كونفيدونثيال" الإسبانية، إن أمن الهجرة والشرطة القضائية ف غرناطة وألميريا وموتريل تمكنو، مؤخرا، من تفكيك ريزو إجرامي فيه مغاربة كيستغلو حالات العنف الزوجي باش يتحايلو على القانون ويستافدو من الوراق.
وأضافت الجريدة الإيبيرية، أن هاد الريزو كيستاغل المغربيات اللي باغين يقادو الوراق ديالهم من خلال ترتيب زيجات وهمية، وبعد مرور مدة، كتم فبركة حالة عنف زوجي ف الشارع العام، ثم تسجيل شكايات عن العنف الزوجي وسوء المعاملة، وهي الحالات اللي كتسالي غالبا بتسوية وضعية النساء ضحايا العنف الزوجي ف اسبانيا.
ووفقا ل "إل كونفيدونثيال"، هاد العمليات الإجرامية كتكون مقابل مبالغ مالية ما بين 4000 و6000 يورو، وألقي القبض على أربع نساء وثلاثة رجال من المغرب بتهمة ارتكاب جرائم اتهام كاذبة وإدانة ومحاكاة جريمة وتسهيل الهجرة غير الشرعية والانتماء إلى منظمة إجرامية.
وحسب نفس المصدر، بدات التحقيقات ف هاد القضية، بعد تلقي محكمة موتريل شكاية من مغربي تلقى وعد من المسؤولين عن الريزو الإجرامي باش ياخذ 3000 يورو ف مقابل فبركة اعتداء جسدي على مراتو الوهمية، لكن لقا راسو محكوم بالسورسي وما استفاد من والو..
https://www.elconfidencial.com/espana/andalucia/2023-07-26/inmigracion-irregular-falsas-denuncias-violencia-genero_3708321/