بالوثائق.. آيت الطالب سالا مع مدير مستشفى الحسن الثاني فسطات وعين واحد آخر بالنيابة.. مصدر ل"گود": تقرير كحل موجداه وزارة الصحة غادي يصيفط المندوب الإقليمي فحالو تاهو

مندبة كبيرة عند المصطفى اعشيبات طبيب خارج الدرجة وهو مدير المركز الاستشفائي الإقليمي الحسن الثاني فسطات، لي اليوم قال باي باي المنصب ديالو من جملة من الخروقات لي دارها، خلات نقابات بحال نقابة الاتحاد المغربي للشغل لي قادها عبد المجيد الضريفي في وقفات قدام المستشفى عرات الخنز لي كين تما.
في مقابل هاد الاعفاء وعلى حساب ما جابت "گود" من وثائق، خالد آيت الطالب الوزير ديال الصحة عين خالد المنصتر في لانتيريم حتى يجيبو واحد جديد للادارة ويبداو خطوات جديدة.
فسياق متصل مصادر خاصة ديال "گود" من داخل وزارة الصحة أكدات ان المفتشية ديال الوزارة موجدة تقرير قاصح او خانز بالفضيح على المندوب الإقليمي لي جاياه تاهو وفالقريب العاجل، غادي يتم العزل ديالو لا محالة .