صاحبة ماثيو بيري منوضة صداع كبير.. قالت أنه كان معقد وتسبب ليها فبزاف د الألم فحياتها

دارت الممثلة الميريكانية مولي هورويتز صداع كبير فالسوشل ميديا بسباب التعليق ديالها على موت صاحبها القديم الممثل ماثيو بيري لي لقاوه ميت في حمام ديال دارو ول البارح.
كتبات هورويتز فالكونط ديالها على إنستكَرام أن الجميع كان خاصو يهضر على الموهبة ديالو لأنه بصاح كان موهوب.
أما الجزء من كلامها لي دار الصداع في هضرتها هو أنها وصفاتو بالمعقد، وكتبات فنفس التدوينة كتقول: "كان معقد بزاف ودار ليا بزاف د الألم ف حياتي لي معمر ذقتو من قبل".
وكيبان من خلال هاد الجملة الأخيرة من التدوينة ديال صاحبتنا أنها كتقصد البلية ديالو بالشراب حيت كان معروف عليه أنه كان مبلي بزاف.