نايضة عاوتاني بين بريتني سبيرز وطليقها.. اتاهمها بسوء تربية ولادها وهي بالخف ردات عليه – ستوري

الروينة نايضة عاوتاني بين المغنية الميريكانية بريتني سبيرز وراجلها السابق، هاد الأخير اللي قرر يخرج بتصريحات هاجمها فيهم بسباب علاقتها بولادها اللي خيابت مؤخرا، لدرجة أنهم ما حضروش لعرسها اللي دارتو مؤخرا مع صاحبها الإيراني الأصل سامي الأصغري.
كيفن فيدرلاين قال أن بريتني سبيرز ما تصلاحش تكون أم لأنها عقدات ولادها، وزاد قال الوصاية ديال باباها كانت فصالحها لأنها كانت مبلية وحياتها مرونة وكان ضروري يكون شي شخص يقابلها.
بريتني سبيرز نشرات من بعد هاد التصريحات ديال طليقها تدوينة عبر خاصية ال"ستوري" فالكونط ديالو "أنستكَرام"، كتأسف للهضرة والهجوم ديال كيفن عليها واللي خرج فيها جزء من حياتهم الخاصة للعلن وماحتارمش خصوصية أطراف العائلة الأخرى، وهادشي قلقها بزاف.
I hope Britney's sons realize one day that she didn't fight the Cship for years and years out of fear of losing time with them. Britney literally gave EVERYTHING for them #BritneySpears #JusticeForBritney pic.twitter.com/7qI5865tcd
— Stephen (@luckySGM) August 7, 2022
بريتني سبيرز أكدات أنها عطات لولادها كلشي وما بخلات عليهم بوالو، وهما مراهقين كانت تربيتهم صعيبة بزاف، هادشي اللي خلا الأم ديالها تنصحها باش تصيفطهم يترباو عند باهم.