رئيس مجلس المستشارين ملك جديد فالصحرا. زوج بنتو فعرس اسطوري صداقو 100 الف اورو والتعرگيبة فاتت مليار

احتضنات العيون، عرس فات الخيال والأسطورة، بين عائلة أهل ميارة رئيس مجلس المستشارين لي هوما من عائلة أهل الرشيد =مزوج بنت خوه ابراهيم وفنفس الوقت ولد عمو =، وشاب من قبيلة فموريتانيا.
هاد الحفل داز أسطوري، ولا حديث المملكة من شمالها لجنوبها، بعدما تخسرات فيه زبابل ديال الفلوس، وتحطات فيه آخر ماكاين فالماكلة والحلويات، وجاو ليه فنانة موريتانيا كلهم وحتى من الشمال. هاد العرس لي كان عند عائلة أهل الرشيد.
ولد الرشيد ومعاه ميارة لقاها فرصة يبين باللي هو "ملك الصحرا". عرض على لقبايل فالعراسية الاسطورية. حسب ما حصلت عليه "كود" فالتعرگيبة =اي الجمال اللي كتجي فالمناسبات بحال هادي= وصلات 500 جمل قيمتها فايتة مليار سنتيم
باش يبان باللي قوي بزاف٬ ميارة جاب فنانين كبار من موريتانيا وعرض على مسؤولين حكوميين وحزب الاستقلال كولو جا تقريبا وشي مسؤولين.
غريب هاد لفلوس لكثيرة اللي تخسرات فهاد العرس. ميارة النعم ولى من اغنياء الصحرا بحالو بحال ولد عمو ونسيبو حمدي ولد الرشيد.