قمة أسفل الترتيب: المحمدية تعادلو مع برشيد وبجوجهم بقاو غارقين

تعادل فريق شباب المحمدية مع يوسفية برشيد اليوم الخميس فتيران البشير فالمحمدية، برسم الدورة 18 من البطولة الاحترافية لكرة القدم، والفراقي بجوج بقاو غارقين.
وسالا الماتش بين شباب المحمدية ويوسفية برشيد بنتيجة التعادل الإيجابي جوج لجوج، وكانوا شباب المحمدية هما الأولين اللي ماركاو بهدف ديال كريم لكورش فالدقيقة 12، ونقلبو عليه يوسفية برشيد اللي ماركاو التعادل بهدف ديال عبد العزيز الحمزاوي ملي بغا يسالي الشوط الاول، وفالشوط الثاني زادو برشيد الهداف الثاني ماركاه أنس الضاوي فالدقيقة 90، ولكن حمزة بهاج عتق المحمدية وضرب لهم التعادل بهدف من بيلانتي فالدقيقة الأخيرة من الماتش، اللي كملوه الفراقي بجوج بنقص عددي، حيث كل واحد منهم تطرد منو لاعب.
وما استافدوش الفراقي بجوج بهاد التعادل، حيث كل واحد فيهم خدا غير نقطة واحد، وصبح رصيد شباب المحمدية 19 نقطة وكيحتلو المركز 13، ويوسفية برشيد عندهم 13 نقطة وكيحتلو المركز الأخير.