الزمالك سبقو نهضة بركان لفينال كأس الكاف

تأهلو الزمالك المصري لفينال كأس الكونفدرالية الإفريقي لكرة القدم، وكيتسناو المتأهل من دومي فينال نهضة بركان واتحاد العاصمة الجزائري، واللي غيكون بنسبة كبيرة الفريق المغربي، حيث ربح ماتش الألي فالجزائر بقرار من الكاف بنتيجة 3 لزيرو.
وقدرو الزمالك المصري يربحو ماتش روتور دومي فينال كأس الكونفدرالية، بعدما ضربو فريق دريمز الغاني فغانا بنتيجة 3 لزيرو اليوم الاحد، وتأهلو للفينال ديال المسابقة الأفريقية مع العلم أن ماتش لالي فالقاهرة كان سالا بنتيجة التعادل السلبي زيرو لزيرو.
ودابا كيتسناو الزمالك المصري يطلع فريق نهضة بركان للفينال بعدما يلعب ماتش روتور الدومي فينال عاد العشية ضد اتحاد العاصمة الجزائري فبركان، ويتعاود فينال عام 2019 بين الفريقين فكاس الكاف، واللي ربحو فيه الزمالك بالبيلانتيات بعد ظلم تحكيمي مفضوح فماتش الروتور ضد نهضة بركان.