أيوب الكعبي ضرب هاتريك على أستون فيلا وحط هو أولمبياكوس رجلهم الأولى فالفينال

حيح الدولي المغربي أيوب الكعبي مع أولمبياكوس اليوناني فذهاب دومي فينال مسابقة دوري المؤتمر الأوروبي، وضرب هاتريك أستون فيلا اليوم الخميس.
وتألق أيوب الكعبي فماتش أولمبياكوس ضد استون فيلا فتيران فيلا بارك فمدينة برمنگهام فالنگليز، وضرب هاتريك كان حاسم فالرباح ديال الفريق اليوناني اللي تفوق فالماتش بنتيجة 4 لجوج، وماركا أيوب الكعبي الهدف الأول والثاني فالدقيقة 17 و29، وماركاو أستون فيلا هدفهم الأول والثاني ديال التعادل فالدقيقة 45 و52، ورجع أيوب الكعبي ماركا الهدف الثالث لأولمبياكوس فالدقيقة 56 من بيلانتي، وزاد سانتياگو هيز الهدف الرابع فالدقيقة 67.
وبهذا الرباح المهم حط أيوب الكعبي وأولمبياكوس اليوناني اللي كيلعب معهم حتى المغربي الاخر يوسف العربي، (حطو) رجليهم الاول فالفينال ديال بطولة المؤتمر الأوروبي وغايتسناو ماتش روتور الدومي فينال السيمانا الجايا فاليونان باش يحسمو التأهل بشكل نهائي.