وا المخزن واش بهاد الصقلي باغيين تعوضو بنعبد الله. الصقلي في "دوزيم" باش تسب امينها العام وقيادي من الحزب ل"كود": هاد الخدمة وضيعة الحزب ما فراسوش السيدة غادية للقناة و"دوزيم" هي اللي اختاراتها

كلشي عبثي وكيبين باللي المخزن تالف. بعد 24 ساعة على بيان الديوان الملكي ضد نبيل نبعد الله الامين العام لحزب التقدم والاشتراكية بخصوص تصريحه عن التحكم وربطه بمؤسس او مؤسسي البام ماشي بالبام٬ وبعد التعاطف الكبير مع الشيوعي السابق في مملكة الفايسبوك٬ خرجت "دوزيم" لتقوم بعمل ظاهره اخباري وباطنه توجيه للنقاش. استضافت نزهة الصقلي. بغات تبين باللي الحزب ضد تصريحات بنعبد الله. الساعة غير شوية الوقت خرج بيان للمكتب السياسي يقول عكس ما صرحت به.
السيدة قالت بعد مقدمة طللية كتشكر فراسها "خصنا نعطيو الأمل للناس،خصنا نتكلموا عن حصيلتنا الرفع من مستوى الخطاب السياسي, الأمر موجه لكل الفضاء السياسي عامة يرجع القطار لسكته المؤسسة الملكية محايدة عن أي حزب وعدم إقحام الملك" ثم اضافت "يجب ان تكون لدينا كحزب استقلالية في القرار و لقد ضحينا بزاف ، وكما لا نقبل أن نكون حزبنا تابعا لجهة ما فإننا لانقبل أن نكون حزبا تابعا لحزب معين ،في إشارة للعدالة والتنمية" وختمت "لا افهم إعطاء شيك على بياض بعيدا عن المشروع المجتمعي حقوق الدستور المناصفة مجموعة من الانتظارات". يعني من هاد الشي كلو باين ان المستهدف هو حزب العدالة والتنمية ماشي البي بي اس. الصقلي اللي كالتها. ثانيا هاد السيدة علاش عرضو عليها؟ حسب عضو من المكتب السياسي ل"كود" فان لا احد كان على علم بخبر استضافتها في "دوزيم" وانها لم تحصل على اي اذن كي تتكلم باسم الحزب وان الناطق الرسمي باسمه هو الامين العام، المصدر حمل في تصريحه ل"كود" المسؤولية ل"دوزيم" على هاد اللعب الخايب.