لغز صورة اعتقال سعد لمجرد. ولا كان هاد الاعتقال وراءه حروب مافيا شركات الحفلات: ها اللي منظمة حفل لمجرد اللي مازال ما تلغاش وها علاش ممكن تكون تصفية حسابات تلك الشركات

امضى سعد لمجرد ليلته الاولى في سجن باريسي رهن الاعتقال الاحتياطي على ذمة اتهامات ثقيلة لفتاة باغتصابها بالعنف مع الاحتجاز ليلة الثلاثاء الاربعاء. لكن من الامور المحيرة في هذه القضية هي الصورة التي انتشرت بشكل كبير تؤرخ للحظة خروجه من الفندق والمينوط فيدو قبل ما يطلع لطونوبيلة البوليس.
صورة لغز كتخلي شكوك واسئلة تطرح حول هذه القضية. علاش مول الصورة ما باعهاش ولاحها فالفايس وكلشي خداها؟ وشكون هاد السيد اللي كان فهاديك لبلاصة فهاديك الدقيقة. حسب مصدر بباريس ل"كود" فانه لا يستبعد ان تكون لمافيا تنظيم الحفلات للفنانين وراء هذه القضية كلها "معروف شكون كينظم الحفلات ومعروف فلوس كثيرة كاينة وفيها بزاف كاش اي بعيدة على اعين الضريبة بفرنسا. سعد لمجرد نجم كبير وفلوس كثيرة يقدر يجيب شوفو غير راه باع كاع التذاكر الرخاص ويمكن باع كلشي فالحفل اللي مازال مبرمج ليلة السبت بباريس واللي ممكن يؤجلو حقاش نفسيا يقدر يكون صعيب عليه. هاد الشي علاش كنكول راه ممكن شي شركة منافسة هي اللي دارت هاد الفيلم كلو. غير توقع".
منظمة حفل سعد لمجرد هي شركة ماريا باي كايرو نايت" وهي في ملكية راقصة مغربية حسب مصدر "كود". المصدر عاد وقال ل"كود" ان فرضية تصفية حسابات بين شركات تنظيم حفلات النجوم قائمة ودليله الصورة المنشورة بالاضافة الى ان منافس هذه الشركة يقول مصدر "كود" هو من سرب الخبر حوالي الساعة العاشرة واخا ما تنشر حتى بعد الظهر