ديال ترجلوا معانا راه حنا لاعبين ناقصين ، حقا لاعبين ناقصين دماغ ماشي رجولة ، ناقصين وعي ، ناقصين تحضر ، ناقصين مدنية ، ناقصين شي علاقة تسد هاد القادوس لي فاض علينا

من بين العادات ديال المغاربة هي تكحال العينين فالمناسبات الدينية ، بحال عاشوراء بحال عيد المولد النبوي ، بحال ليلة القدر والعادة كتختالف من منطقة لأخرى لكنها عادة باقية فالعديد من المناطق والاحياء الشعبية الاصيلة ، ماشي الهامشية لي معندها هوية ، بالإظافة الى
أن الكحل ماشي حرام بل سنة نبوية وكاين حديث ديال الرسول على الله عليه وسلم كيقول فيه : " نعم الكحل الإثمد فأكتحلوا به فإنه ينبت الشعر ويقطع الدمعة ويجلو البصر"، ولحد الآن مازال الناس فالبوادي كيديروه كدواء للعين .
ولكن فجأة وبدون سابق انذار ظهر حاتم عمور مكتحل العين في حفلة ليلة رأس السنة ، طبعا مكانش مكحل حسب السنة النبوية ، ولكن للزينة وهادي اختلفوا فيها المذاهب الأربعة ، ولكن ماعلينا المهم هو أن المغاربة والمسلمين عموما كيكحلوا عينيهم فالمناسبات الدينية بحال اليمن لي
عندهم عادة شعبية فرمضان ، الموشكيل هنا هو كيفاش تحول كحل العين من سنة نبوية لزملة ، وكيفاش كحل العين فنظر المغاربة عادي فعين شيخ صوفي كيجدب ولكن زملة وتشبه بالنساء فوجه مغني ، هاد الدفاع المستميت والقوي على الرجولة وشكلها وعلى الفحولة عند بعض المغاربة كيعني
حاجة وحدة هو محاولة جاهدة لإخفاء مشكل القذف السريع وراء قالب رجولي متفق عليه من قبل الذكور والإناث ، حيث بعض المغاربة مثلا الى شاف المغني برنس كيفاش كلو مطلي بالماكياج ومقاد الحجبان ولابس حوايج لاصقين أول حاجة غتطيح ليه فراسو هو أن برنس مثلي الجنس متشبه بالنساء
، بينما صاحبنا كان ايتيرو حقيقي رتابط طيلة حياته غي بالجميلات ، وكون كان مثلي كان يعلنها حيث راه فأرض الرجال الأحرار ، وكذلك مارلين مونسون والعديد من الفنانة العالميين لي ماشي مثليين ولكن كيديرو الماكياج وعادي كيتصنتوا ليهم بعض المغاربة وعمرك تسمع تعليقات
انتقاصية عليهم .
ولكن بمجرد فنان مغربي يدير ماكياج لوجهو فمباشرة كيتحول فنظرهم لعكاز ، وهذا يا حسرة غي كحل عينيه لي شي حاجة داخلة فالثقافة الشعبية ديالنا كمغاربة ، والدين ديالنا كمسلمين ، ومع ذلك لم يسلم من سب وشتم وانتقاص العديد من المغاربة بحداثييهم وقوادسيتهم وعاديينهم ، غي
كيتعلق الأمر بالرجولة والذكورة كيتوحدوا المغاربة في الدفاع عنها شيبا وشبابا رجالا ونساء ، يساريين ويمينيين ومن مختلف التوجهات ، حيث الديفو لي مخرج لينا هاد الشخصية السكيزوفرينية ديفو عضوي ومكيميزش بين التوجهات الفكرية أو الخلفيات الطبقية ، وللأسف مهددات الرجولة
المغربية ولات عبارة غي عن فنان كحل عينيه ، أو فنان لبس سروال مزير ، وديما ديك الجملة ديال ترجلوا معانا راه حنا لاعبين ناقصين ، حقا لاعبين ناقصين دماغ ماشي رجولة ، ناقصين وعي ، ناقصين تحضر ، ناقصين مدنية ، ناقصين شي علاقة تسد هاد القادوس لي فاض علينا .