الزميلة نادية صلاح واش كتهدري من نيتك: واش بصاح مصدقة باللي الاتحاد الاشتراكي هو اللي خدم مجلس النواب؟

كتبت مديرة تحرير "ليكونوميست" في عددها ليومه الثلاثاء في افتتاحيتها ان عودة مجلس النواب الى العمل كان بمبادرة من الاتحاد الاشتراكي. هذا اغرب تحليل دار فهاد الايام اللي كلها عبث. نادية صلاح سيدة عندها ثقافة ديموقراطية وعارفة المغرب مزيان مزيان. عارفة كل واحد اش كيسوى وعلاش قاد. متآكد انها ما كتقصدش اللي كتباتو. حزب شوه شوهة عالمية. لصق فالاحزاب بحال لحم الراس مع تلاح تحت رجلين البام ومرة باع تاريخو رخيص بزاف وتلاح على رجلين التجمع الوطني للاحرار.
حزب ما قد يجيب غير 20 نائبا فمجلس النواب والغالبية العظمى ديالهم حتي الاتحاديين انفسهم ما كيعرفوهمش. السي لشكر قلب على الاعيان باش يجيب هاد العشرين. واخا كلشي هاد الشي كتكول عليه هو اللي حرك البرلمان.
نادية صلاح عارفة مزيان باللي التصويت ديال اليوم كان يستحيل يوقع لو ان المجلس الحكومي فالوزاري صوت على اتفاقيات لعودة المغرب الى الاتحاد الافريقي ومحتاجين التصويت على هاد الاتفاقية بمجلسي النواب والمستشارين. يعني الملك كلف بنكيران باش يوقع تسريع هاد التصويت. مناسبة كانت باش هاد الحزب الشوهة ايام ادريس لشكر يربح رئاسة مجلس النواب ما كيستحقهاش. ما هو الاول ما هو الثاني ما هو الثالث ولا الرابع ولا الخامس.
حزب هو السادس تلقى ثمن ما اسداه من خدمات لكل الجهات. عطاوه اكثر من قيمتو. كاليك اسدى خدمات باش يتفتاتح مجلس النواب