واش جبد الطالبي العلمي "الاتحاد اللي غادي ينداثر"؟ ها الفيديو وها نفيو وها رد لجماهري

"القناعة حاضرة عند التجمع الوطني للاحرار. اللي قوي قوي ولكن اللي ضعيف ما نخليوهش يموت لان اندثار هيئة سياسية واحدة خصوصا الممثلة في البرلمان هو ضد مبدأ حماية حقوق الاقليات ايلى كنا كمنامنو فعلا بحقوق الاقليات" هادي هي الهدرة اللي قالها رشيد الطالبي العلمي بتطوان في لقاء جهوي لحزبه نهاية الاسبوع. هدرة تأولات على انه كان كيقصد الاتحاد الاشتراكي. حقاش الاحرار للي دافع على دخول الاتحاد الاشتراكي للحكومة وعطاه اصواتو باش يفوز ديالو لحبيب المالكي برئاسة مجلس النواب بدون وجه ديموقراطي. عشرين صوت تربح رئاسة المجلس.
المهم الاتحاديون اللي عايشين مشاكل كثيرة حسو براسهم مقيوسين. حميد لجماهري القيادي في الحزب دار مقال يشكر فيه الطالبي العلمي وكتب "شكرا بابا الطالبي. شكرا عمي رشيد. شكرا وزير الشبيبة والرياضة وحماية الاتحاديين من الانقراض. قال رشيد الطالبي العلمي. ان حزب التجمع الوطني للاحرار أنقذ حزب الاتحاد الاشتراكي من الاندثار" في اطار الحفاظ على الاقليات".
رشيد الطالبي العلمي نفى في تصريح ل"كود" ان يكون قال هاد الهدرة.
شي اتحاديين اعتقدو ان ما قاله وزير الشبيبة والرياضة القيادي في التجمع الوطني للاحرار نشرو فتدوينة ديالو.