مهيول مقشب على دار الضريبة ب 3 النكتات: جاتني الضريبة مالني كنصدر الطعارج للغابون

مهيول مقشب على دار الضريبة لي ولات باغة تعمر الخزنة ديالها باللي كاين ومكاينش. الكوميدي محمد مهيول تحدث، بسخرية، على الضريبة اللي جاتو بسبب الفن، وقال، في هذا الصدد، "جاتني واحد الضريبة واخا ماعندي دار ما عندي طوموبيل ما عندي بشكليط، خوكم محفحف، فاش قلبتها لقيتها ضريبة على الفن، يعني واحد 3 نكتات معيش بيهم الدراري نخلص عليهم الضريبة".

وأضاف "الضريبة واش كنصدر الطعارج لجابون، وا تعالاو ديو هادوك 3 نكتات للفوريان. وتّقاو الله ما كليت حتى أنا عاد نوكل الدولة".

سخرية مهيول، التي وثقها في شريط نشره على صفحته الرسمية في "فيسبوك"، يأتي في وقت بدات "دار الضريبة" كتضرب وكتزكل فيه، إذ تفاجأ مواطنون بالتوصل بإشعارات لدفع الضريبة على كراء الشقة لي هوا ساكنين فيها أصلا، في حين أشعر آخرون بأداء الضريبة على نظافة منزل باعوه سنين هادي وبرأوا ذمتهم بأداء الضريبة على الربح المحقق من عملية البيع.

https://www.facebook.com/profile.php?id=100014370889295&fref=ts