عاهرة malgré moi : خاصنا نحتارمو الانسان على للي فدماغو ماشي شنو بين رجليه

‎شحال من مرة كنكونو كنهدرو فشي موضوع حتى كنسمعو : "فلانة غي قحبة" "فلانة بنت الزنقة" "هاديك بدون أخلاق" … وزيد وزيد من هاد الأمثلة
‎وفاش كنجيو نحللو علاش هاد العيالات تسماو عاهرات و بلا أخلاق كنلقاوهوم فقط حيت كيعيشو بحال " ذكور" فمجتمع ذكوري مخور
يعني كيخرجو فوق ما بغاو، كيكميو فالقهاوي، كيشربو فالبيران، كيشطحو، كيضحكو، كيلبسو شنو مابغاو، كيختارو معمان ينعسو، كيخدمو وقادات براسهوم ماديا ومكيتسناو حتى حاجة من حتى واحد.
فمجتمع متقدم، واعي، مثقف، واصل، حر وكيحتارم الأفراد ديالو هادو صفات المرأة المستقلة الحرة وفالمجتمع ديالنا المتأخر، الريجعي، البوزبالي، المقودة عليه ولي مكيحتارمناش هادو صفات العهر وانعدام الأخلاق! علما انو هاد العيالات نيت يمكن يكونو عندهوم اخلاق عالية بحال يعاونو واحد مسكين، يوقفو مع واحد مريض، يعطيو من وقتهوم لواحد عندو مشكلة، ميكذبوش، ميشفروش، مينصبوش، ميضلموش…ولكين بمجرد انهوم عايشين عيشة واحد عندو قضيب وهما عندهوم شقة غيتبعوهوم صفات بنات الزنقة ، مامربياتش، ميسواوش و عاهرات.
عايشين فمجتمع فيه le deux poids deux mesures الجندري! حلال على الراجل حرام على المرا وهادشي ممكتوب فحتى كتاب ممذكور فحتى حْديت! جا الوقت باش ننفضو راسنا من غبارنا ونتبدلو!
نوليو كنحتارمو ونعتابرو الإنسان انطلاقا من شنو عندو فدماغو ماشي شنو بين رجليه!
G. Quod licet Iovi, non licet bovi