خصنا نكونو في المستوى الفيفا غادي تحضر مباراة الأسود والگابون

قرر الاتحاد الدولي لكرة القدم فيفا ارسال لجنة ممثلة له لحضور مباراة المنتخب المغربي مع الغابون لغادي تلعب اليوم السبت بملعب مركب محمد الخامس بالدار البيضاء، بداية من الساعة الثامنة مساء
اللجنة ديال فيفا غادي تكون المهمة ديالها هي أنها تراقب كل صغيرة وكبيرة في الماتش، ودير تقرير على التنظيم، خصوصا أن المغرب مرشح لكأس العالم 2026، وهاد المباريات كتكون بحال شي امتحان للجامعة والمغاربة كاملين.
وغادي ترد اللجنة ديال فيفا البال مع الجمهور المغربي مني غادي اكون كيتعزف النشيد ديال الغابون، لأن في الماتش ديال مالي الجمهور صفر على النشيد ديال الماليين، ومن بعد فيفا دارت ليه عقوبة مالية وانذار، إلى تعود نفس المشكل غادي تكون عقوبة أشد من الأولى.
المباراة مهمة بزاف للمغرب، خصوصا بعدما تعادل المنتخب ديال الكوت ديفوار البارح مع مالي، وعطى فرصة للأسود باش اتصدروا المجموعة من جديد.
وغادي تعرف المباراة حضور شخصيات كثيرة ومهمة من وزراء وأعضاء من الاتحاد الإفريقي لكرة القدم وشخصيات وزارية وديبلوماسية.